Shqiptarja.com
Përditësimi i fundit në 21:49 Regjistrohu | Identifikohu 
Home Aktualitet Politikë Ekonomi Sociale Kosova Bota Sport MetroNews Intervista Kulturë Shëndeti Blog Horoskopi
Homepage > Blog > Shkrimet e tjera
avatar Periferi
Alba Malltezi
22 Qershor 2017 11:27
Te fjalët, te puna, te jeta... Vëmendja
 
Nuk do të ankohem kurrë se politikanët po flasin shumë, sepse te çdo nuancë e fjalëve të tyre dua të gjej, të shoh të vërteta. Te fjalët tregojmë atë që duam të themi, por edhe atë që s’duam të themi. Prandaj do t’i dëgjoj e ridëgjoj si një disk që e vë dhe e rivë, dhe e rivë.

Nuk do të rresht se vëzhguari jetën e tyre sepse aty kanë shënuar mirë, në mënyrë të pashlyeshme atë që ata dinë të bëjnë: Kanë si pasqyrë më të afërt shtëpitë që kanë bërë, por edhe si i kanë bërë; sa të bukura a të shëmtuara janë, sa të pasura apo të thjeshta, sa me shije apo pa shije. Dua të vëzhgoj bashkëshortin apo bashkëshorten e tyre, sepse tek ai/ajo është një pjesë tjetër e rëndësishme që pasqyron se kush janë: Si vishen, si jetojnë, sa shpenzojnë, sa vëmendje kanë për të bukurën apo për të shëmtuarën, sa të babëzitur apo të ekuilibruar janë në çdo gjë që bëjnë.

Edhe fëmijët dua t’i shoh e të mësoj, sepse një prind që tregon vëmendje, kujdes dhe harmoni te fëmijët e tij, e ka këtë vëmendje, dashuri e harmoni për të gjithë fëmijët e botës. Do të doja të shihja prindërit e politikanëve e politikaneve, të dija e të dëgjoja për ta. Sa i respektojnë e si kujdesen për të moshuarit e tyre?
Dua të di pafund për punën. Dua të njoh, të vëzhgoj me sy të hapur mirë punën që kanë bërë e bëjnë: është një punë ndërtuese apo shkatërruese? Bëjnë gjëra të bukura apo të shëmtuara? Ngritën vija të drejta drejt qiellit të pamatë apo jo? Bënë apo nuk bënë gjë?
 
Nuk ka njerëz perfektë në këtë botë. Askush nuk është e nuk mund të jetë, por të kemi pranë, të zgjedhim njerëz konstruktivë, të dashur, pozitivë, që me punën e tyre kanë pasur vetëm qëllime të mira për vete e komunitetin, duhet të lodhemi t’i shikojmë e dëgjojmë… E pastaj, me 25 qershor, më të mirët mes atyre që propozohen me ambicjet politike, të votojmë.
avatar

   
Komentet janë të hapura dhe nuk është e nevojshme të jesh i regjistruar.
avatar
Anonim
nila E drejte, te gjithe politikanet kane lene shenja te qarta. Shenja akoma me te qarta japin dhe familjaret e tyre. Kemi sy ti shikojme?
avatar
Anonim
Vezhguesi Edhe xhepat Alba. Xhepat thuaj
Rezultate tė tjera: 1
Intervista
‘5 Pyetjet’ Paloka: SHBA-BE na kėrcėnuan qė tė hyjmė nė zgjedhje
Vetting/Min.Drejtėsisė nė Report Tv: KLD tė vepronte mė shpejt
Erion Veliaj nė Report Tv: Ja sfidat e reja pėr Tiranėn 
Këndi i Njoftimeve
Shtypi i ditës
Datë 21/09/2017, Viti VII - NR.223