Militantët e PD në protestën e Astirit, kush është Gentian Gjonaj, presoni që u përplas me policinë (FOTO)

Gentian Gjonaj dhe Sali Berisha

1 / 7

Profili i Gentian Gjonajt në Facebook

2 / 7

Gentian Gjonaj dhe Belind Këlliçi

3 / 7

Gentian Gjonaj dhe Lulzim Basha

4 / 7

Gentian Gjonaj gjatë incidentit te protesta e Unazës së Re

5 / 7

Gentian Gjonaj dhe Altin Goxhaj

6 / 7

Gentian Gjonaj me Bashën

7 / 7
16 Nëntor 2018, 19:34

Personi që shihni në foto quhet Gentian Gjonaj. Në protestën e djeshme, ai dhe 2-3 protestues të tjerë të PD ishin personat më aktivë në aktet e dhunës së ushtruar ndaj forcave të Policisë Bashkiake, ku mbetën të plagosur 7 efektivë.

Punonjësit e Policisë Bashkiake dhe godina e Bashkisë së Tiranës u sulmuan dje me tymuese, shishe me benzinë, vezë dhe shashka, por ironia në rastin e Gentian Gjonajt është se ai nuk është fare banor i zonës së Astirit, të cilët kundërshtojnë projektin e zgjerimit të Unazës së Madhe.

Për rrjedhojë, ai nuk preket fare nga ky projekt. Gjonaj rezulton se jeton në një lagje tjetër të Tiranës, shumë larg zonës së Astirit.

Nga një kërkim i thjeshtë në internet me emrin e Gentian Gjonaj lidhen një sërë lajmesh të kronikës së zezë, si arrestime, shoqërime e gjyqe, për vepra të kryera si mitingash i dhunshëm dhe militant i Partisë Demokratike.

Ai rezulton të ketë qenë në proces gjyqësor dhe më pas  dënuar për dhunën e ushtruar në protestën e opozitës ndaj kantierit të ndërtimit të këndit të lojërave në Parkun e Madh të Liqenit në vitin 2016.

Po ashtu, është arrestuar dhe hetuar edhe për ngjarjet e dhunshme në një tjetër protestë të opozitës, ndaj bunkerit pranë Ministrisë së Brendshme.

Madje, ka qenë pjesëmarrës edhe në protestën kundër vendosjes së traut të taksës së Rrugën e Kombit apo edhe në bllokimin e rrugës në afërsi të Dajtit, të gjitha protesta të organizuara nga PD.

Në fakt, Gentian Gjonaj nuk e fsheh faktin që është anëtar dhe militant i Partisë Demokratike.