Report Tv ka mësuar se 4 deputetë të PD dhe 4 deputetë të LSI do të shkojnë në seancën plenare sot në Kuvend duke thyer kështu bojkotin pas 5 muajsh. Gazetarja Esiona Konomi raporton se nga deputetët e PD në seancën e sotme marrin pjesë Luçiano Boçi, Valentina Duka, (dy pedagoge) Izmira Ulqinaku dhe Ervin Salianji. Ndërsa nga LSI, Floida Kërpaçi, Luan Rama, Petrit Vasili dhe Kejdi Mehmetaj. Deputetët ishin në limitet e djegies së mandatit prej mungesës së gjatë në Kuvend. Sipas afateve ligjore dhe rregullores së Kuvendit, mandatet skadojnë në datën 15 janar.