Promovimi në Akademinë e Shkencave/ ‘Albanian Piano Music’ e Marsida Konit rrëfehet Dal Vivo në Tiranë

Marsida Koni në Akademin e Shkencave

1 / 5

Marsida Koni në Akademin e Shkencave dhe Flora Nikolla Presidente e Albanian Excellence sëbashku Brunilda Paskali Këshilltare e presidentit

2 / 5

Flora Nikolla Presidente e Albanian Excellence

3 / 5

Marsida Koni në Akademin e Shkencave

4 / 5

Marsida Koni në Akademin e Shkencave

5 / 5
10 Dhjetor 2018, 15:32

 

Albanian Excellence dje në bashkëpunim me Akademinë e Shkencave në Tiranë, në mjediset e saj ka promovuar CD e Marsida Konit ‘Albanian Piano Music’ të vlerësuar nga kritika botërore e muzikës. Pianistja e mirënjohur, Anëtare Nderi e Albanian Excellence, Marsida Koni, ka interpretuar albumin që sapo është përzgjedhur nga “Albanian Piano Music” për faqen internet Musicëeb International. Ky album është i pari i këtij lloj për Shqipërinë, dhe i regjistruar për një ndër shtëpitë diskografike më të rëndësishme internacionale “Brilliant Classics”. Albumi i Marsida Konit është hedhur në tregun botëror, saktësisht në 40 vende të botës. Në koncertin promovues ishin të pranishëm muzikantë të njohur, miq të Albanian Excellence, miq të pianistes së njohur, që dal vivo ka dhuruar tingujt e mrekullueshëm të Marsides me piano, pjesë e këtij albumi shumë të rëndësishëm në muzikën shqiptare.

Marsida Koni është shprehur rreth përmbajtjes së këtij albumi se “Para 17 vjetësh pothuajse, isha studente në vitin e parë të Akademisë së Arteve, mbas mësimit të analizës se formave muzikore, duke biseduar me Prof. Kozma Lara, i fola rreth idesë që kisha filluar të bluaja në kokë, atë të përhapjes së muzikës shqiptare. Mbasi diskutuam për problemet dhe vështirësitë që kishte në fund të bisedës i them: Nuk e di sesi, por jam e sigurt që do t’ia dal një ditë! Ai më dëgjoi me kujdes dhe të nesërmen më solli një libër me sonatat e tij për piano dhe në të kishte shkruar: “Marsidës, pianistes që premton në të ardhmen në ekzekutimin e veprave tona. Me respekt Kozma Lara”.

Sa herë qe e shikoj ate dedikim, brënda meje them: Profesor e mbajta fjalën !" Marsida Koni e zhvillon karrierën e saj të suksesshme ne Itali, por ajo asnjëherë nuk e harron vendin e saj dhe muzikën shqiptare. Këto ditë për albumin e saj doli ne shtyp edhe recenca nga kritiku, muzikanti, personaliteti i artit Britanik Philip R. Butall, që ndër të tjera shkruan:’… Marsida Koni duket se është shpërndarësja ideale për këtë muzikë. Ajo ndjehet komode si në pjesët  nostalgjike ashtu edhe në ato romantike, duke mos zvogëluar apo thjeshtëzuar kurrë asgjë dhe me një teknikë të aftë për të luajtur ato pasazhe të Virtuozitetit Lisztian me një vetëbesim të madh.”. Edhe gazeta italiane ‘Perugia Today’ ka shkruar për këtë ngjarje dhe është një artikull fund e krye  mbushur me superlativa për Marsidën, nën titullin: “Vendi i shqiponjave rrëfehet nga pianoforte e Marsida Konit, shqiptare me origjinë, e adaptuar nga Perugia”.