POP 5

Lajmet më të lexuara të 5 minutave të fundit

Politikë

'100 fshatrat'/ Rama nga Shishtaveci: Aeroporti do t'ju vijë në ndihmë, shfrytëzojeni këtë zonë për ski (FOTO)

Kryeministri i vendit, Edi Rama ka vizituar ditën e sotme Shishtavecin, duke iu bërë thirrje banorëve të zonës që të zhvillojnë turizmin pasi ajo është e vetmja mënyrë për të dalë nga varfëria.

KUKËS- Kryeministri i vendit, Edi Rama ka vizituar ditën e sotme në kuadër të nismës “100 fshatrat”, Shishtavecin. Në fjalën e tij, para të pranishmëve Rama u shpreh se vetmja rrugë për daljen nga varfëria e këtyre zonave është turizmi.

Sipas tij, Shishtaveci është vendi ideal për agroturizmin, transformimin e shtëpive në butina dhe investimet për ndërtimin e një resorti skish. Rama ka treguar edhe historinë se gjatë luftës së Parë Botërore ushtarët austro-hungarezë luanin dhe stërviteshin në këtë zonë.

Kjo zonë ka qënë shfrytëzuar për ski që nga koha e luftës së Parë Botërore. Është zonë e bekuar për mbajtjen e dëborës edhe në kohë kur nuk janë kushtet e duhura klimaterike. Në atë kohë në Shishtavec, patën ardhur trupa austro-hugarezët dhe kishin me vete ski, me të cilat zhvillonin gara dhe bënin stërvitje. Në atë kohë banorët e zonës filluan t’i imitonin të huajit derisa në vitin 1944-1945 u themelua edhe klubi i skive “Morava”.

Edi Rama, kryeministër

Ndër të tjera Rama ka risjellë në vëmendje edhe aeroportin që pritet të ndërtohet në këtë zonë, duke u shprehur se në të mesatarisht në vit do të kalojnë rreth 300 mijë njerëz.

Në fillim të vitit të ardhshëm do të nisë ndërtimi i aeroportit, ekzistuesi do të transformohet në një aeroport të standardeve ndërkombëtare për fluturimet me çmime të ulëta. Unë besoj shumë që në këtë zonë do të shohim zhvillimin pas ndërtimin e aeroportin. Ai do të shndërrohet në një aeroport me nivele të larta. Në të do të lëvizinin rreth 300 mijë udhëtarë në vit. Imagjinojeni vetë se çdo të ndodhë. Po flisja me Safetin (Gjicin) për këtë dhe ai tha me shaka: 300 mijë kafe më shumë në Kukës. Aeroporti e bën shumë herë më të thjeshtë dhe më ambicioz investimet për të transformuar Shishtavecin në një destinacion të rëndësishëm për skitë.

Edi Rama, kryeministër

Projekti i aeroportit të ri të Kukësit që është prezantuar nga Rama

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13