"100 fshatrat", Rama prezanton projektin në Pustec: Ktheni banesat 2-3 kate në hotele dhe njësi tregtare
Kreu i qeverisë kërkoi nga banorët të bëhen pjesë e projektit të "100 fshatrave" duke ofruar hapësirat që disponojnë, ndër to edhe shtëpitë me dy apo tre kate, në njësi tregtare dhe turistike.
Edi Rama në Pustec
KORÇË - Nga Pusteci ku u prezantuan projektet e para zhvillimore në kuadër të programit “100 fshatrat”, kryeministri Edi Rama nënvizoi rëndësinë e nxitjes së njerëzve për t’u bërë pjesë e kësaj përpjekje. Kreu i qeverisë kërkoi nga banorët të bëhen pjesë e këtij projekti duke ofruar hapësirat që disponojnë, ndër to edhe shtëpitë me dy apo tre kate, në njësi tregtare dhe turistike.
Aspekti më vendimtar i programit ka të bëjë me nxitjen e njerëzve që jetojnë në këto fshatra dhe kalojnë të gjithë eksperiencën e tyre jetësore në këto zona, për t’u bërë pjesë e kësaj përpjekje. Ne krijuam këtë mundësi dhe hapësirë, por ende këtu në Pustec ato hapësira të konceptuara për të qenë njësi tregtare dhe turistike nuk janë jetësuar.
Edi Rama, kryeministër
Në këtë drejtim, Kryeministri u shpreh se nevojitet një ndërveprim mes pushtetit vendor dhe komunitetit, bashkë me mbështetjen e qeverisë qendrore, përmes programit “100 fshatrat”. Vetëm në këtë kodër, vijoi Rama, ka disa godina 2 apo 3-katëshe, që nëse do të ishin në një vend me turizëm të zhvilluar në Zvicër apo Greqi, do të krijonin para në 365 ditët e vitit, duke mikëpritur vizitorë.
“Natyrisht, për ta transformuar atë godinën 2 apo 3-katëshe në një hotel kërkohet një punë e përbashkët, pasi me siguri ata që e zotërojnë apo banojnë aty nuk i kanë mundësitë financiare për ta bërë, – tha Kryeministri, duke shtuar se, – këtu lind nevoja për të krijuar urën e bashkëpunimit mes gjithë aktorëve për informimin e banorëve”.
Por edhe në këtë takim nuk kanë munguar batutat nga ana e Ramës. Kësaj here Rama ka komentuar dy vajza që prezantuan pjesët turistike të Prepës, të cilat u shprehën se turistët nuk mund të vizitojnë kishat mbi shkëmbinj kur ka erë.
Kishin emocione, i dridhej zëri më shumë më shumë sesa Prespës që i fryn erë e madhe.
Edi Rama, kryeministër
//Shqiptarja.com
Sondazhi i ditës:
Si do jenë ndryshimet në Kodin Zgjedhor që do bëjnë PS-Rithemelimi?
-
Thelbësore
11.5%
-
Të vogla
73.8%
-
Nuk e di
14.8%
Vota total: 61
Lajme të tjera
-
Si Lulzim Basha u dënua nga gjykata për shpifje për rastin e Olsi Ramës
28 Mars, 20:51
-
Olsi Rama hedh poshtë akuzat për lidhjet me drogën: Vijnë nga një i paburrë, kanakar i sharlatanit famëkeq! Teatër kukullash
28 Mars, 20:48
-
PS kërkesë për ngritjen e komisionit kundër dezinformimit dhe ndërhyrjeve të huaja në zgjedhje! Rama: E rëndësishme të ecim përpara me shpejtësi
28 Mars, 18:47
-
‘Tirana nga ajri’ / Nga të ftuarit VIP e familja Rama te reagimi i ambasadorit të BE-së, ç ‘ndodhi në premierë, Alket Islami: Fotografova kryeqytetin për 30 vjet, ditë e shënuar!
28 Mars, 15:43
-
Ministria e Jashtme dorëzon në GJND deklaratën mbi ndryshimet klimatike
28 Mars, 14:23
-
Do ngrihet Dhoma Ekonomike Kombëtare! Rama tregon objektivin: Synojmë të arrijnë 4 mld euro investime të huaja
28 Mars, 13:19
-
'Tirana nga ajri', ndryshimi përmes një dokumentari! Alket Islami: Ta shohin brezat e rinj si ka qenë! Rama: Do jetë kryeqyteti europian i të gjithë rajonit (VIDEO)
27 Mars, 19:05
-
Rama: Bizneset, me hir apo pa hir, do financojnë arsimin profesional! Na duhen punonjës të kualifikuar me paga dinjitoze
26 Mars, 14:06
-
Vlora nis rrugëtimin si 'Qyteti Europian i Sportit 2024'
25 Mars, 20:35
-
Tatimi i rrogave të larta pritet të ulet në qershor! 23 mijë qytetarë me pagë mbi 200 mijë lekë! Ministria e Financave po punon për fashat e reja
25 Mars, 15:56
-
Mero Baze: Rasti Goro dhe konspiracioni qesharak kundër SPAK
25 Mars, 09:30
-
'Me çështjen Beleri, po humbasim', analisti grek: T'i tregojmë muskujt Ramës, jemi më të fortët në rajon
24 Mars, 21:25