Ekskluzive/ 'Fatjoni jam, është ky Karagjozi', zbardhet përgjimi që arrestoi Arben Çukon: Na bënë pisllëqe

Report Tv siguron ekskluzivisht vendimin e Gjykatës së Krimeve të Rënda që çoi pas hekurave ish-drejtorin e Përgjithshëm të Burgjeve, Arben Çukon i cili më parë ka qenë dhe deputet i partisë socialiste. Fabula që ka çuar në arrestimin e Çukos është zbuluar krejt rastësisht teksa në hetim dhe përgjim ishin pjestarët e një grupi kriminal që merrej me trafik dorge dhe vepra të ndryshme penale.

Sipas hetuesve gjithçka ka nisur në burgun e Burrelit ku i arrestuari si vrasës me pagesë, Olsi Karagjozi, ka takuar fillimisht Denis Llaftiun. Pas takimit Karagjozi i ka bërë kërkesë Llaftiut të ndërhyjë me lidhjet e tij tek Drejtori i Përgjithshëm që ky i fundit ta transferojë. Fill pas kësaj porosie Denis Llaftiu takon shoferin e Çukos, shtetasin me emrin Qerim Musha. E kjo marrëveshje mes Llaftiut dhe shoferit të Çukos do të kryhej kundrejt përfitimit 3 mijë euro dhe një automjeti.

Denis Llaftiu, personi që i dorëzoi paratë dhe makinën shoferit të Çukos

Olsi Karagjozi pas marrëveshjes ka bërë një kërkesë me shkrim dhe këtë kërkesë ja ka dorëzuar shtetasit artur balla, balla ja ka dhënë denis llaftiut dhe më pas llaftiu ja ka dorëzuar shoferit që kishte rolin e negociatorit ose “urës lidhëse” për llogari të Çukos siç e quan prokuroria. Nga hetimet ka rezultuar se paratë prej 3000 mije dhe një automjet i janë dhënë Ballës, ai ja ka kaluar Llaftiut dhe Llaftiu ja ka kaluar shoferit të Çukos Qerim Mushës.

Olsi Karagjozi, i dënuari që pagoi ryshfet te Çuko për t'u transferuar nga burgu i Burrelit

Kur ishte rënë dakord që Karagjozi të transferohej kjo s'ka ndodhur menjëherë dhe në këtë moment të interesuarit janë shqetësuar duke filluar dhe komunikimet telefonikë. Telefonata i është bërë direkt drejtorit Arben Çuko nga drejtori burgut Burrelit i quajtur fatjon. Fatjoni me nr 069….401 kontakton Çukon me nr 06720….14.  

Biesa telefonike e përgjuar: 

-Alo drejtor përshëndetje, Fatjoni jam.

- Kush Fatjon o burrë?

- Fatjoni jam, drejtori Burrelit.

- Hë Fatjon, më thuaj.

- Nuk kemi ndonjë problem, situata e përgjithshme është e qetë, a mundet të vi nesër të bisedoj për nja dy çështje të vogla? 

- Nuk e di a mi thua dot në telefon...?

- T'i them edhe në telefon por doja të vija të takoja e të uroja. Mirë drejtor doja të flisja edhe për këtë, për një transferim të një të paraburgosuri që të kishim bisedu.

- Ca është?

- Është ky Karagjozi...

- Me këtë lojë. Ata që më kanë ndërhyrë mua më duket se më kanë bërë pisllëqe.

- Mirë, prit ta vërtetoj unë...

Përgjimet e Prokurorisë për ish-kreun e Burgjeve, Arben Çuko

E teksa ky transferim nuk po kryhej, Denis Llaftiu ka kërkuar ndihmë tek Astrit Avdyli dhe më pas më 9 korrik 2018 është kryer transferimi o Karagjozit kjo me urdhërin nr 7049 të firmosur nga Çuko transferim nga Burreli në Fier.

Ky transferim sipas hetuesve ka kënaqur më në fund të gjitha palët e përfshira në aktin korruptiv. Ndërsa të martën ish-numri një i burgjeve pritet të dalë para gjyqtarit Bib Ndreca për t'u njohur me masën e sigurisë "arrest me burg" dhënë në mungesë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Juti: 23/10/2018 08:55

    Une nha fusha juridike nuk marr shume vesh po mendoj qe ky pergjimi eshte me shume indicion qe do te kryhet nje veper penale sesa prove. Se ja foli ne telefon ky po ku faktohet qe akti korruptiv ka ndodhur ne te vertete? Pse nuk vazhduan ta mbanin nen mbikqyrje?

    Përgjigju
  • Beni: 22/10/2018 19:29

    Nese nuk ka ndonje prove ose fakt tjeter, masa e sigurise arrest me burg me duket e tepruar per drejtorin e pergjithshem. Ndoshta arresti i shtepise do te ishte me i pershtatshem per shkak se duket qart qe drejtorit i kane bere pisllik.

    Përgjigju
  • Maks: 22/10/2018 18:11

    Me kete akuz ketij zotnie qe esht arrestu i han m*tin sepse cdo gje esht ber me shkresa dhe jo llafe goje

    Përgjigju
  • Glaukias: 22/10/2018 18:11

    Ku janë provat që eurot dhe makinën i ka marr Arben Çuko ? Transferimi është kërkuar nga drejtori i burgut të Burrelit, ndaj normalisht do të kryhej. Vjen erë kjo punë....

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës