7 skuadra ne 1/8 e Champions League, Real Madrid 'pushton' Romën

7 skuadra ne 1/8 e Champions League, Real Madrid 'pushton' Romën

Real Madrid duke festuar një nga golat kundër Romës

Real Madrid, Juventus, Bayern Mynih, Manchester City, Manchester United, Roma dhe Ajax janë 7 skuadrat që siguruan mbrëmjen e djeshme kalimin në 1/8 e Champions League. Kampionët në fuqi Real Madrid dinë si të fitojnë në Europë. Los Blancos pushtuan Romën duke mundur 2-0 verdhekuqtë me golat e Bale dhe Lucas Vasquez në pjesën e dytë. Reali kalon si i pari i grupit. Më tej avancon edhe Roma ndërsa Viktoria Plzen bën goditjen e madhe duke fituar 2-1 në Moskë ndaj CSKA-së.

Bayernit të Mynihut në ndeshjen e fundit në grupin E ndaj Ajax i mjafton një barazim për t'u kualifikuar si i pari. Mbrëmë bavarezët bënë goleadë ndaj Benficas duke e mundur 5-1. Nga dy gola shënuan Robben dhe Lewandovski ndërsa rrjetën e tundi edhe Ribery. Me 13 pikë e kryeson grupin skuadra e Kovaç. Ajax fitoi 2-0 në Athinë ndaj AEK dhe rikthehet pas 13 vitesh në fazën me eliminim direkt. Benfica zbret në Europa League.

Me golin e Mario Mandzukiç pas pasimit të Ronaldos Juventusi mundi 1-0 Valencian në Torino. Bardhezinjtë mbajnë kryesimin e grupit H me 12 pikë. Më tej ka kaluar edhe United që fitoi 1-0 ndaj Young Boys. Golin e kualifikimit e shënoi Fellaini në fund.

City mori një pikë me vështirësi ndaj Lyon por që mjaftoi për të kaluar në 1/8 e Champions. Në Francë, Lyon kaloi dy herë në avantazh ndaj Cityt me Cornet por dy herë u arrit nga Laporte dhe Aguero. Me 10 pikë City kalon më tej ndërsa Shakhtar do luajë shansin në ndeshjen e fundit pasi fitoi në Gjermani 3-2 ndaj Hoffenheim.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot