POP 5

Lajmet më të lexuara të 5 minutave të fundit

8 mësuesë të bllokuar brenda një shkolle në Dukagjin, apel për ndihmë: Na duhen ushqime, dëbora ka shkuar 1 metër

Reshjet e dendura të dëborës kanë ngujuar brenda ambienteve të shkollës së fshatit Shalë 8 mësuesë në Dukagjin. Njëri nga mësuesit, Kol Vladaj tha në një lidhje telefonike për Report Tv se shkolla rrezikon të shembet dhe situata mund të përkeqësohet.

Jemi të ngujuar prej 3 ditësh. Sot kishte intensitet më të lartë reshjesh. Pamundësia bëri që mësimi të ndërpritej. Shkolla rrezikon të shembet. Jemi të bllokuar, dëbora ka shkuar 1 metër. Na duhen ushqime. I bëj thirrje prefektit dhe ministrit të marrin masat sepse nga momenti në moment jemi në rrezik. I bëj thirrje shtetit që të na ndihmojnë dhe të marrin masa emergjente sepse situata mund të agravojë.

Kol Vladaj, mësues

Moti i keq që ka përfshirë vendin ka shkaktuar probleme në shumë qytete të Shqipërisë. Shumë zona janë të bllokuara dhe dëbora në qarkun e Dibrës ka shkuar në 1.2 metër. Fshatra të bllokuar nga dëbora në Elbasan dhe Krujë, ndërsa në Shkodër një person humbi jetën pasi iu shemb streha e një karburanti. Mësimi është ndërprerë në 280 shkolla në të gjithë vendin, në Tropojë, Gjirokastër, Has, Korcë, Dibër, Shkodër e Mirditë.(Lexo këtu)

f.g./r.k.
Komento

Komente

  • alti: 11/01/2019 11:51

    hajde rronxho bonxho hajde...po si mor po erdhen ushqimet deri aty do te thot qe mund ti marrin mbrapa te bllokuarit. apo kan rene rehat ata sduan te dalin me...

    Përgjigju
  • Santa Quaranta: 11/01/2019 11:07

    700 mije vjet ka Dukagjini qe bllokohen nga bora o Kolë dhe ti qenke zbut me duket dhe kerkon ndihme!!

    Përgjigju