'93% e ilaçeve në QSUT të skaduara', Bardhi fajëson sërish Orgesta Manastirliun

Deputeti i Partisë Demokratike Bardh Spahia deklaroi sërish këtë të shtunë për mediat se 93% e ilaçeve në QSUT janë të skaduara.

“Skandali i 93% të ilaçeve të skaduara në Qendrën Spitalore Universitare Nënë Tereza është vetëm maja e ajsbergut e kalbëzimit nga korrupsioni i sistemit shëndetësor në vend. E vërteta është se QSUT-ja është kthyer në një kosh plehrash për disa kompani të lidhura me qeverinë, që zbrazin depot e tyre nga ilaçet në prag skadence, duke ia dhuruar gjoja Spitalit, për të kursyer qindra milionë lekë për asgjesimin e tyre”, tha Bardhi.

Ai akuzon për situatën aktuale të sistemit shëndetësor ministren Ogerta Manastirliu, që sipas tij nuk tregon se kush ka përfituar nga depozitimi i ilaçeve të skaduara në QSUT dhe se sa prej këtyre ilaçeve janë përdorur nga pacientët.

“Ogerta Manastirliu e ka thelluar edhe më tej skandalin. Drejtoreshën e Farmacisë së QSUT-së, Narvina Sinani, person direkt përgjegjës për skadimin e ilaçeve, e ka emëruar Drejtoreshë të Agjencisë së Barnave, e cila përgjigjet për sigurinë e ilaçeve në të gjithë vendin. Çfarë sigurie mund të kenë ilaçet kur tek e njëjta Agjenci, personi përgjegjës për kontrollin e farmacive është emëruar një stomatologe, e paliçensuar për të kryer detyrën e garantimit të popullatës për sigurinë e barnave?!” , ka shtuar më tej Bardhi.

Deputeti i Partisë Demokratike u shpreh në përfundim të deklaratës së tij se korrupsioni dhe klientelizmi janë shndërruar në faktorët kryesorë që rrezikojnë jetën e qytetarëve nga ilaçet e skaduara e ato të falsifikuara.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tori: 08/11/2018 13:07

    Ky eshte turpi I perfaqsimit te Shkodres ne parlament.E shreta Shkoder ku ka arrit.Ne asnje mendyr nuk duhet te perfaqesojne Shkodren dy budallenj Nard Noka e Bardh Spahija

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit