Abuzimet në rrugën Tiranë-Elbasan, zbulohet emri i prokurorit të ri që do të hetojë Xhikën

TIRANE-REPORT TV mëson se prokurori i dosjes që po heton abuzimet me fondet në autostradën  Tiranë- Elbasan është zëvendësuar. Prokurori i ri që do të hetojë dosjen është Dritan Prenci, ndërsa do të zëvendësojë Elisabeta Imerajn, e cila u emërua në fillim të muajit gusht në krye të prokurorisë së Tiranës nga Kryeprokurorja Arta Marku. (Sot u zëvendësua edhe te dosja Shullazi)

Gazetari i Report Tv, Arsen Rusta raporton se Prenci që mori drejtimin e dosjes me short, kaloi disa javë më parë vettingun duke u konfirmuar në detyrë. Dritan Prenci do të hetojë ish-kreun e ARRSH, Dashamir Xhika të rikthyer në burg nga Apeli i Krimeve të Rënda pak di të më parë.

Ish-kreu i Autoritetit Shqiptar të Rrugëve u prangos më 2 shkurt 2018, me akuzën e korrupsionit dhe shpërdorimit të detyrës. Xhika dhe zyrtari tjetër i ARRSH-së, Andi Toma, janë nën akuzë se abuzuan me fondet e rrugës Elbasan-Gjinar në vlerën e 5 mln eurove.

LEXO EDHE:
Bilanci i SPAK, Imeraj: Transparencë për problematika të shoqërisë e për të nxjerrë në pah punën! Valteri: Dumani u tregua arrogant, i dobët në argument

Xhika nuk akuzohet vetëm për këtë dosje. Mbi ish-numrin 1 të ARRSH-së, rëndon edhe akuza e shpërdorimit të fondeve për aksin Tiranë-Elbasan, një rrugë e nisur para shumë vitesh dhe e papërfunduar deri më sot. Ndërtimi ishte parashikuar të kushtonte 407 mln $, por në auditin e ministrisë së Infrastrukturës, rezultoi se kishte një dëm prej 54 milionë $.

TAG:
• dashamir xhika
• andi toma
• Dritan Prenci
• elisabeta imeraj

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.2%

• Jo

  73.1%

• Nuk e di

  8.7%

Vota total: 1431

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di