Aksident në Dibër/Makina del nga rruga, humb jetën 79-vjeçarja

Aksident në Dibër/Makina del nga rruga, humb jetën 79-vjeçarja

Foto Ilustruese

Një aksident i rëndë me pasojë vdekjen ka ndodhur në Maqellarë të Dibrës pasditen e kësaj të premte. Si pasojë e daljes nga rruga të një automjeti, në vendin e quajtur "Ura e Pesjakës", ku udhëtonin nënë e bir, ka humbur jetën Anife Kulemani, 79-vjeçe, ndërsa i plagosur ka mbetur djali i saj, asim Kulemani, 50-vjeç.  

Mësohet se shkak për aksidentin ka qenë lagështira në rrugë pas reshjeve të shiut që prekën edhe sot një pjesë të mirë të territorit.

Njoftimi i plotë i policisë:

Rreth orës 17:18, në vendin e quajtur " Ura e Pesjakës", Maqellarë, ka ndodhur një aksident rrugor.

Menjëherë kanë shkuar shërbimet e policisë në vendin e ngjarjes, ku nga verifikimet paraprake kanë konstatuar se në vendin e quajtur “Ura e Pesjakës", ka dalë nga rruga mjeti me targë AA 138 RP, me drejtues shtetasin A.K, 50 vjeç, banues në Maqellarë, ku për pasojë është plagosur rëndë drejtuesi mjetit, i cili po merr ndihmë mjekësore në spital, dhe nëna e tij shtetasja A.K, rreth 79 vjeçe, ku fatkeqësisht ka humbur jetën rrugës për në spital.

Paraprakisht dyshohet se shkaku i aksidentit të jetë lagështira në rrugë, si pasojë e reshjeve të shiut të rëna gjatë orëve të fundit.

Grupi hetimor vijon hetimet për zbardhjen e shkaqeve të këtij aksidenti. Policia e Shtetit ju bën thirrje gjithë drejtuesve të mjeteve, të bëjnë kujdes të posaçëm në kushte të vështira të motit dhe të respektojnë rregullat e qarkullimit, duke shmangur pasojat.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

I dënuar me burgim të përjetshëm, pendohet pas 26 vitesh anëtari i Camorra-s i njohur si 'Sandokan'

I dënuar me burgim të përjetshëm, pendohet pas 26 vitesh anëtari i Camorra-s i njohur si 'Sandokan'