Aksident i frikshëm në Librazhd, barriera hyn përmes makinës, plagoset çifti/VIDEO+FOTO

Një aksident i frikshëm ka ndodhur mesditën e sotme në Librazhd, aty ku një makinë ka dalë nga rruga dhe ka goditur barrierën anësore të rrugës. Siç duket edhe nga fotot e siguruara nga "Shqiptarja.com", barriera metalike është futur mes përmes makinës. 

Për pasojë, 2 personat që udhëtonin në makinë, drejtuesi i mjetit dhe bashkëshortja e tij, kanë mbetur të plagosur. Ata janë transportuar për në spital dhe mësohet se ndodhen jashtë rrezikut për jetën.

LEXO EDHE:
Cekja i Beratit tregon momentet më të vështira të jetës. Kam shtypur një person me makinë

Njoftimi i plotë:
Në aksin rrugor Elbasan –Librazhd, në fshatin Labinot Fush, Elbasan mjeti me targa AA 384 JM, me drejtues shtetasin A.P., 31 vjeç, banues në Mallakastër është përplasur me trafikndarësen. 

Për pasojë është aksidenduar drejtuesi i mjetit shtetasi A.P., dhe shtetasja A.B., 20 vjeçe, (bashkëshortja), të cilët menjëherë janë transportuar për në Spitalin e Elbasanit dhe ndodhen jashtë rrezikut për jetën. 

Grupi hetimor ndodhet në vendngjarje dhe po punon për zbardhjen e plotë të shkakut të aksidentit, ku paraprakisht dyshohet se drejtuesi i mjetit ka humbur kontrollin e mjetit dhe për pasojë është përplasur me trafikndarësen.

TAG:
• aksident
• plagosje
• Elbasan-Librazhd

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11%

• Të gabuar

  84.2%

• Nuk e di

  4.8%

Vota total: 3987

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di