Aksidentet rrugore, INSTAT: Në gusht humbën jetën 27 persona, 143 të vdekur në 8 muaj

Gjatë 8 muajve të parë të këtij viti, numri i të vdekurve në aksidentet rrugore ishte 143 persona, nga të cilët 29 ishin femra. Në krahasim me të njëjtën periudhë të një viti më parë, numri i të vdekurve nga aksidentet ka shënuar një rënie të lehtë me 6 persona (149 gjithsej për janar-gusht 2017).

Në Gusht 2018, numri i të aksidentuarve është 268 persona nga 292 që ishte një vit më parë, duke u ulur 8,2 %. Numri i të aksidentuarve në tetëmujorin 2018, është 1.544 duke ulur 12,7 %, krahasuar me të njëjtën periudhë të një viti më parë. Në muajin Gusht 2018, numri i të vdekurve nga aksidentet rrugore është 27 persona nga 22 që ishte një vit me parë. Në tetëmujorin 2018, numri i të vdekurve nga aksidentet rrugore është 143 nga 149 që ishte në të njëjtën periudhë të një viti më parë.

LEXO EDHE:
Më shumë të rinj të papunë, Pedagogu: Nuk studiohet nevoja e tregut! Rinia të mbështetet me grante

Në Gusht 2018, aksidentet rrugore, në 81,7 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup mosha 25 –35 vjeç duke zëne 30,0 % të numrit të aksidenteve gjithsej. Aksidentet në këtë grup moshe janë ulur me 1,8 % krahasuar me të njëjtën periudhë të një viti më parë. Në tetëmujorin 2018, aksidentet rrugore, në 20,4 % të rasteve, kanë ndodhur si pasojë e sjelljes së këmbësorit. Gjatë kësaj periudhe numri i aksidenteve sipas sjelljes së këmbësorit është ulur 7,5 % krahasuar me të njëjtën periudhe të një viti më parë.

TAG:
• aksident rrugor
• Instat

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.6%

• Të gabuar

  83.7%

• Nuk e di

  4.7%

Vota total: 5343

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di