POP 5

Lajmet më të lexuara të 5 minutave të fundit

Aksidenti i tmerrshëm në Kosovë, përsëritet tragjedia, familja u shua edhe 29 vite më parë

Vendi ku ndodhi aksidenti tragjik

Një ngjarje e rëndë ka ndodhur të dielën, pasi një familje pesë anëtarëshe kanë vdekur gjatë një aksidenti në rrugën Suharekë-Duhlë. Rasti ka ndodhur kur vetura e tipit BMW është përplasur me një autobus.

Lajmin e ka bërë të ditur zëdhënësi i Policisë Rajonale të Prizrenit, Hazir Berisha, duke thënë se aksidenti ka ndodhur në pjesën e quajtur Biraq afër Suharekës.

Mediat kosovare mësojnë se në veturën e familjes nga Sopia e Suharekës, kanë qenë kryefamiljari J.S., me bashkëshorten, dy fëmijët e tyre si dhe nëna e viktimës J.S.

Kësaj familjeje, ngjarje e rëndë iu kishte ndodhur edhe para 29 viteve. Telegrafi mëson se babai i viktimës J.S, së bashku më dy vëllezërit e tij kishin vdekur në një aksident komunikacioni në rrugën e Duhles.

Nesër, Suhareka do të mbajë ditë zie në përkujtim të pesë viktimave-anëtarë të së njëjtës familje që vdiqën sot si pasojë e një aksidenti në trafik në magjistralen Duhël-Suharekë.

d.co.
Komento

Komente

  • Erik: 09/07/2018 11:17

    E kobshme, eshte shuar nje familje e tere. Ngushellime te afermve, te behen te forte per te perballuar dhimbjen e madhe. Edhe nje here le te sherbeje si alarm per gjithe shoferet te tregojne kujdes me shpejtesine dhe rregullat e qarkullimit.

    Përgjigju