POP 5

Lajmet më të lexuara të 5 minutave të fundit

Aksidenti në Pogradec/ Humb jetën në spital i moshuari, arrestohet drejtuesi i mjetit

Foto ilustruese

POGRADEC- Ka ndërruar jetë në spital i plagosuri i aksidentit të ndodhur në Pogradec ditën e djeshme, i cili u përplas nga një makinë.

Bëhet fjalë për 75-vjeçarin Nj.H, i cili u aksidentua nga një mjet tip “Audi” i drejtuar nga 25-vjeçari, Fiordi Miminllari.

25-vjeçari u arrestua që ditën e djeshme nga Policia, ndërsa grupi hetimor po punon për të zbardhur shkaqet e aksidentit.

Njoftimi i plotë i policisë:

Pogradec

Në vijim të informacionit paraprak datë 05.12.2018, informojmë se specialistët e Sektorit për Policinë Rrugore, bënë arrestimin në flagrancë të shtetasit:

F.M 25 vjeç, banues në fshatin Blacë, Pogradec.

Arrestimi i tij u bë pasi, në aksin rrugor Korçë-Pogradec, në Çërravë, ky shtetas duke drejtuar mjetin tip “Audi” ka aksidentuar shtetasin Nj.H, 77 vjeç, banues në Petrushë, Pogradec, këmbësor në rrugë, i cili u dërgua në Spitalin e Pogradecit, ku më pas ka ndërruar jetë.

Materialet i kaluan Prokurorisë së Rrethit Gjyqësor Pogradec për veprën penale “Shkelja e rregullave të qarkullimit rrugor” parashikuar nga neni 290/3 të Kodit Penal.

ke.mu.
Komento