Ky është momenti kur shtetasi shqiptar Bes Kondi, i konsideruar si hero nga mediat kanadeze, i jep ndihmën e parë një personi që ka mbetur i plagosur pasi është përplasur nga furgoni i një terroristi në Toronto.
Kondi ishte personi i parë që u shfaq në kryqëzimin ku nisi akti terrorist dhe i dha ndihmën e parë një burri kanadez të plagosur, përpara se të vinte ambulanca.
Me të mbërritur ambulanca, Kondi e instruktoi këtë të fundit që të asistonte një grua të gjakosur aty pranë që ishte më rëndë, ndërsa vetë vijoi të ndihmonte burrin e plagosur.
Kondi tha sot për Report TV se kishte dalë menjëherë sapo kishte dëgjuar panikun e përhapur në zonë dhe se ai ishte i certifikuar në dhënien e ndihmës së shpejtë.
Ai punon si menaxher i ndërtesës në kryqëzimin ku nisi sulmi terrorist, që shkaktoi 10 viktima.
Në foton në fjalë të siguruar nga Report TV, shihet që Kondi është ulur në gjunjë pranë të lënduarit.
Akti i të riut i bën të gjithë shqiptarët që të ndihen krenarë duke patur parasysh se në konikat e zeza emigrantët nga vendi ynë shpeshherë paraqiten si protagonistë negativë.
25-vjeçari Alek Minassian është identifikuar si autori i ngjarjes së rëndë një ditë më parë në Toronto, Kanada, kur duke drejtuar një furgon mori përpara një turmë njerëzish, duke shkaktuar 10 të vdekur dhe 15 të plagosur. Policia tha se i riu nuk rezultonte personazh i njohur, pasi ndaj tij s'ishte regjistruar asnjë procedim në të kaluarën.
Minassian u arrestua pak minuta pas sulmit të përgjakshëm, pas një përballjeje të tensionuar me policinë.
Komente
Lajme të tjera
-
Grabitje si nëpër filma në aeroportin e Torontos, vidhen 20 milionë dollarë kanadezë dhe sende me vlerë
21 Prill 2023, 17:12 -
VIDEO/ Gol fantastik nga goditja e këndit, Bernardeschi futet në historinë e Torontos
3 Prill 2023, 16:02 -
Konsiderohej si një prej qyteteve më të sigurta në botë, ekzekutohen 5 persona në Toronto! Agresori qëllohet për vdekje nga policia
19 Dhjetor 2022, 15:55 -
5 vite nga vrasja e çiftit të miliarderëve në Kanada! Djali i tyre ofron 35 milionë dollarë shpërblim për këdo që jep informacion mbi vrasësin
17 Dhjetor 2022, 16:37 -
Dramë në familjen Insigne, sulmuesi hap zemrën: Humbëm një vajzë
13 Tetor 2022, 15:45
Te lumt mor djal per ndihmen qe dhe te plagosurit por hero do te quheshe kur ta ndaloje kete terrorist armen
PërgjigjuTë lumt o vlla !
Përgjigju