Ambasadori i Indisë në vendin tonë, Thanglura Darlong, i paraqiti ditën e sotme Letrat Kredenciale Presidentit Ilir Meta. Presidenti Meta vlerësoi marrëdhëniet miqësore e të bashkëpunimit midis Shqipërisë dhe Indisë, si dhe lidhjen e fortë që Nënë Tereza krijoi midis dy vendeve.
Ai gjithashtu nënvizoi nevojën e rritjes së bashkëpunimit ekonomik dhe tregtar, si dhe të kontakteve të drejtpërdrejta mes sipërmarrësve.
Ndërsa, duke iu referuar zhvillimeve në rajonin e Ballkanit Perëndimor, Ilir Meta, nënvizoi se një rishikim i pozicionit të Indisë ndaj njohjes së pavarësisë së Kosovës do të ishte një kontribut i drejtpërdrejtë për forcimin e paqes dhe stabilitetit në këtë rajon.
(Thanglura Darlong dhe Presidenti Meta)