Artan Hoxha: Ju njoh me futbollin bio shqiptar, karate dhe vaterpolo, adrenalina në maksimum...(VIDEO)

Gazetari Artan Hoxha sjell pamje nga ndeshja mes Orikut të Orikumit dhe Tomorit të Beratit, e cila përfundoi 1-0, ndeshja u zhvillua në një terren, që i ngjante një kënete dhe ku kishte brenda karate, kickboxing, madje dhe vaterpol.

STATUSI I PLOTË I ARTAN HOXHËS
Futboll bio shqiptar, madje dhe vaterpol, adrenalina në maksimum...

Kategoria e pare, java e 13-te, grupi B.

ORIKU i Orikumit vs TOMORRI Beratit 1-0

Ndërsa në ekranet e TV-ve shqiptare sapo kanë nisur emisionet sportive të së dielës mbrëma më kronikat e bukura të superligës, komentet dhe analizat e specialistëve, po sjell dy video dhe foto ekskluzive të kategorisë së parë të organizuar nga FSHF.

Mbase ju kam mësuar keq duke u sjell video nga ndeshje Champions lLague kohët e fundit, me Barcelone, Real, Juventus apo Manchester United, por ndeshje si kjo ju siguroj qe nuk keni parë në ekranet tona sepse kamerat e supersport nuk shkojnë kurrë aty.  Spektakël i paparë, në një biletë ndeshje futbolli, ke brenda edhe shumë sporte të tjera, karate, kickboxing, madje dhe vaterpol.

Në gjysmën e ndeshjes është krejt errësirë, gati ka rënë nata, sepse FSHF i nis ndeshjet në orën 14:00 në mes të dhjetorit. Topi mezi dallohet, fusha është kthyer në kënetë, vijat kufizuese të fushës u zhdukën që në nxemje dhe gjyqtarët vendosin me hamendje. Shqelma, grushte me shumicë, por gjyqtari e ka harruar kartonin e kuq në dhomat e zhveshjes, jetën e jep po kartonin e kuq s'e jep....

E megjithatë me variantin taktik “bjeri ti bjem” Oriku i mori 3 pikë....Dhe kryekomentatori me taborrin e komentatorëve që hyjnë në stadium gjithnjë pa biletë, do vazhdojnë të na e shesin sapunin për djathë, pra do mbrojnë “produktin” alla FSHF që ecën përpara nga fitorja në fitore...

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • derrziu: 17/12/2018 15:42

    Mire se te vini ne ALBANistaN vendi ku lulzon sporti , kultura e arti . lum ne me te paaftit e sportit Duket ,vironet e tjere e tjere

    Përgjigju
  • Ilir: 17/12/2018 10:01

    Edhe per te qeshur.. edhe per te qare. Jetojme ne 2018 por duken pamje si ne 1945. Asaj pamje qe vetem futboll smund ta quash i shtohet dhe edukata ne tribun qe te ngjan me nje proteste.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln usd

Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln usd