Bashkia e Tiranës investon në rrjetin e ujësjellës kanalizimeve, punime në dy lagje të kryeqytetit

Bashkia e Tiranës ka filluar punën për të shmangur problematikat e përmbytjeve, por edhe të ujërave të zeza në kryeqytet me afrimin e stinës së vjeshtës.

Në rrugën “Muharrem Gurra”, Bashkia ka investuar një rrjet të ri kanalizimesh, i cili do të bëjë të mundur përmirësimin e shërbimit për banorët e zonës. Ekipet e specialistëve të UKT bashkë me mjetet e tyre punuan me kujdes në zëvendësimin e linjës së vjetër të kanalizimeve me një rrjet krejtësisht të ri dhe sipas standardeve ndërkombëtare.

LEXO EDHE:
Mero Baze: Vajza e Saliut, e bija e Zhulalit e djali i Fariut protestojnë me parullën 'Poshtë fëmijët e baballarëve'

Paralelisht është ndërhyrë edhe në rrjetin e furnizimit me ujë në rrugën "Kahreman Ylli", në zonën e Kinostudios, ku pas sinjalizimit nga qytetarët, specialistët u mobilizuan menjëherë duke ndërhyrë me shpejtësi.

Në këto tre vite, Bashkia e Tiranës ka realizuar një sërë investimesh të rëndësishme në shumë zona të kryeqytetit, duke rinovuar tërësisht rrjetin e amortizuar nga mosvënia dorë prej vitesh duke sjellë përmirësim të ndjeshëm të furnizimit me ujë të pijshëm dhe të cilësisë së tij. Në të njëjtën kohë një vëmendje e posaçme i është kushtuar edhe përgjigjes në kohë të shqetësimit të qytetarëve për çdo problem në rrjetin e ujësjellës kanalizimeve përmes specialistëve të UKT.

TAG:
• bashkia e tiranes
• punime
• kanalizime

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.7%

• Jo

  72.7%

• Nuk e di

  8.6%

Vota total: 1697

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di