Bazilika e Elbasanit pas zbulimit në 2007-n nis të dokumentohet

Bazilika e Elbasanit pas zbulimit në 2007-n nis të dokumentohet

Foto ilustruese

Specialistë të Institutit të Monumenteve të Kulturës, bashkë me studiuesen franceze Marie-Patricia Raynaud, njëherazi bashkëautore e librit ”Korpusi i Mozaikëve të Shqipërisë” dhe me Agron Islamin, përgjegjës i sektorit të artit pranë IMK, ndodhen sërish në terren për mbledhjen e informacioneve rreth mozaikëve në Shqipëri.

Përgjatë kësaj jave, grupi i specialistëve është duke studiuar dhe dokumentuar të gjitha të dhënat e nevojshme rreth Mozaikut të Bazilikës Paleokristiane.

E pozicionuar fare pranë qendrës së qytetit të Elbasanit, Bazilika është një ndër monumentet më me vlerë të qytetit. Zbulimi i mozaikut u bë i mundur në gjysmën e parë të vitit 2007, gjatë gërmimeve të bëra në këtë bazilikë në një thellësi rreth 3 m.

“Publiku duhet ta vizitojë sa më parë se dhe pak ditë do të qëndrojë i hapur, njofton IMK. 

Qenë disa punime të rastësishme në qytet që nxorën në dritë bazilikën e Elbasanit në vitin 2007. Më vonë aty u zbuluan edhe një mozaik floreal e disa skulptura të gdhendura në gur.

E shpallur monument kulture i kategorisë së parë, bazilika paleokristiane konsiderohet ndër më të rrallat në vendin tonë.

Rëndësia e bazilikës shumëfishohet edhe nga prania e Via Egnatia-s përbri. Aty janë zbuluara edhe kolona mermeri nga 4 metra që iu pikasin shekujve (V-VI) dhe gjenden më së shumti në qytete bregdetare. Ardhja e këtyre kolonave deri në Elbasan ia shton vlerat këtij monumenti, sipas arkeologëve. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!