X

POP 5

Lajmet më të lexuara të 5 minutave të fundit

Kronikë

Heroinë, kanabis çokollatë dhe municione në një banesë në Berat, në kërkim 47-vjeçari (VIDEO+EMRI)

Një operacion i ndërmarrë nga Policia e Beratit i koduar "Kalaja" ka bërë të mundur sekuestrimin e rreth 441 kg kanabis, 2.5 kg heroinë dhe një arsenal armësh në banesën e një 47-vjeçari. Shpallet në kërkim Landi Bixheku si posedues.

BERAT - Një operacion i ndërmarrë nga Policia e Beratit i koduar "Kalaja" ka bërë të mundur sekuestrimin e 441 kg kanabis, 2.5 kg heroinë, një sasi kokaine si dhe një arsenal municionesh luftarake, në banesën e një 47-vjeçari. Aksioni i policisë është ndërmarrë në lagjen "13 shtatori" në banesën e Landi Bixhekut, 47-vjeç, i cili konsiderohet si posedues i lëndëve narkotike. Në banesën e tij u gjetën edhe 75 granata ofensive dhe difensive, të cilat u sekuestruan. 



Vijon puna për kapjen e 47-vjeçarit ndaj të cilit rëndojnë akuzat për veprën penale “Prodhim dhe shitje të lëndëve narkotike” si dhe “Mbajtja e armëve dhe municioneve ushtarake”. Ky operacion antidrogë u drejtua nga Artion Duka, Drejtor i Policisë së Qarkut Berat.

Berat

Finalizohet operacioni “Kalaja’’

Sekuestrohet Heroinë, Cannabis, granata difensive dhe ofensive

Shpallet në kërkim poseduesi i tyre

Në zbatim të Planit Opracional për kapjen e personave me rrezikshmëri të lartë shoqërore, të atyre që ushtrojnë veprimtari kriminale në fushën e narkotikëve, të armëmbajtjes pa leje, apo lëndëve shpërthyese, si dhe bazuar në informacionet e marra në rrugë operative, nga Seksioni Kundër Narkotikëve dhe Trafiqeve në bashkëpunim me shërbimet policore të DVP Berat u zhvillua operacionin i koduar “Kalaja”. ku u shpall në kërkim shtetasi:

L.B, 47 vjeç, banues në Berat.

Në kuadër të operacionit u ushtrua kontroll në banesën e shtetasit L.B në lagjen "13 Shtatori" ku gjatë kontrollit u gjetën në banesë 441 kg lëndë narkotike Cannabis Sattiva e përpunuar në formën e Çokollatës, 2.5 kilogramë lëndë narkotike e dyshuar Heroinë, një sasi e vogël lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike” “Mbajtja e armëve dhe municioneve ushtarake” parashikuar nga nenet 283/1, 278 të Kodit Penal.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Sulmi ndaj Izraelit/ Liderët e BE dakordësohen: Sanksione të reja ndaj Iranit! Është kërcënim për të gjitha rajonin, duhet ta izolojmë

Sulmi ndaj Izraelit/ Liderët e BE dakordësohen: Sanksione të reja ndaj Iranit! Është kërcënim për të gjitha rajonin, duhet ta izolojmë

18 Prill, 07:46