POP 5

Lajmet më të lexuara të 5 minutave të fundit

Bllokohet një tjetër gomone nga italianët me 3 mln euro kanabis, kapet skafisti shqiptar (VIDEO)

Policia italiane ka sekuestruar një tjetër gomone me kanabis që vinte nga Shqipëria. Mediet italiane njoftojnë se gomonia me 352 kg kanabis u bllokua nga rojet bregdetare të Barit, ndërsa është arrestuar skafisti. 

Ai është një 41-vjeçar nga Shqipëria, ndërsa identiteti i tij nuk bëhet i ditur nga autoritetet italiane. Gomonia në ujërat ndërkombëtare u ndalua pas dyshimeve se mund të trafikonte kanabis, ndërsa pas bllokimit iu gjetën 222 pako me lënë narkotike, e cila nëse do të hidhej në treg do të kapte vlerën e 3 milionë eurove.

Kanabisi i bllokuar ne Bari

Report Tv publikon videon e momentit kur u bllokua gomonia dhe mënyra si e kishin fshehur kanabisin. Pak ditë më parë u bllokua në Brindisi një tjetër gomone me 500 kg kanabis. Nga fillimi i këtij viti janë bllokuar 17 gomone nga pala italiane me rreth 17 ton kanabis, ndërsa janë arrestuar mbi 40 skafistë.

Kanabisi i fshehur ne gomone

d.ba./b.ha.
Komento