Boboshticë, dhjetëra vjedhje, asnjë në pranga, banorët-policisë: Jemi të kërcënuar

Banesa dhe biznese të vjedhura, frikë dhe pasiguri tek banorët, policia në heshtje dhe asnjë autor i arrestuar. Ky është realiteti prej disa muajsh në fshatin Boboshticë të Korçës, i cili është kthyer në destiacionin e preferuar të hajdutëve. Të trembur se rastet mund të përsëritën, banorët e kësaj zone i bëjnë apel policië të shtojë patrullimet dhe të rrisë masat e sigurisë.

Alarmi është ngritur nga vetë banorët të cilët pohojnë se ndihen të pasigurt për jetën e tyre. Të pyetur nga Report Tv, ata tregojnë se vjedhjet në fshatin e tyre janë shtuar së tepërmi muajt e fundit. Jo vetëm shtëpi, por edhe biznese kanë rënë pre e hajdutëve. Kjo pasiguri i detyron t’i bëjnë apel policisë së Korcës për të kapur autorët.

Banor 1: Edhe unë kam një shtëpi të djalit aty, m’u vodh para dy vjetësh. Se ç’janë nuk e di.
Banor 2: Me shumë frikë flemë, mos na vjen ndonjë na hidhet nga dritarja ose nga çatia.
Banor 3: Derisa është i armatosur, tjetri arrin deri në ekstrem. 
Banor 4: Ne nuk duam të flemë me frikë, duam të mos ketë hajdutë. Ja ti je këtu tani, të them unë ta rrëmbej këtë. 

Edhe kryeplaku i fshatit Boboshticë thote se janë shtuar se tepërmi rastet e grabitjeve dhe për këtë ai ka deklaruar se duhen shtuar kontrollet e policisë: Muajt e fundit grabitjet janë shtuar po ashtu patrullimet e policisë vijojnë por deri tani askush nuk është kapur, në dëshirojmë që hajdutët të vihen para drejtësisë pasi çdo kush nga ne është i rrezikuar.  

Fshati Boboshticë, vetëm 10 kilometra larg Korcës, është kthyer në epiqendrën e hajdutëve. Dhjetra banesa por edhe biznese kanë rënë pre e vjedhjeve. Policia e Korcës është duke hetuar edhe pse ende nuk ka asnjë autor të kapur.

TAG:
• Korce
• vjedhje ne boboshtice

Sondazhi i ditës:

A ka politika frikë nga SPAK-u?

• Po

  68.9%

• Jo

  27.1%

• Nuk e di

  3.9%

Vota total: 760

• Sondazhi i ditës:

  A ka politika frikë nga SPAK-u?

  Po Jo Nuk e di