Bojkoti i nxënësve për gjuhën e huaj, Simoni: Vendimi ekstrem, prindërit duhet ta rishikojnë

Pas shqetësimit të prindërve të nxënësve në shkollën Hasan Prishtina dhe Pjetër Budi lidhur me mësimin e gjuhës së italishtes në klasën e tretë si gjuhë e parë, ka ardhur edhe reagimi i Drejtorisë Rajonale të Tiranës.

Në një intervistë për Report Tv, specialistja e kurrikulave, Fozilet Simoni, shpjegon shpërndarjen e gjuhëve të huaja në shkolla dhe i bën thirrje prindërve të rishikojnë vendimin e tyre.

Report TV përçoi më tej shqetësimin e prindërve lidhur me mësimin e gjuhës së italishtes si gjuhë e parë për klasat e treta në disa shkolla të kryeqytetit. Në një intervistë për Report Tv specialistja në drejtorinë Rajonale të Tiranës, Fozilet Simoni shpjegon përse është bërë ky short dhe çfarë parashikon vendimi.

LEXO EDHE:
Anglishtja në klasat e para, mësuesja: U prit me entuziazëm te fëmijët! Psikologia: Ndikon teknologjia! Fëmijët: E mësojmë edhe nga telefoni

Ne kemi bërë një farë rregulli që në klasën e 3-të, të fillojë një gjuhë tjetër të parë, por pa ia hequr të drejtën e studimit të gjuhës angleze përsëri në klasën e 6. Kjo ka qenë një përpjekje për ti ofruar një shërbim më të mirë nxënësve në gjuhën e huaj.

Fozilet Simoni, specialistja e DAR

Ndërsa, vendimi i prindërve për largimin e nxënësve nga shkolla duke mos pranuar gjuhën e huaj është ekstrem.

Unë them pa i paragjykuar, është një vendim ekstrem, sepse unë e mendoj që të të ofrojnë dy gjuhë të huaja, për prindërit është diçka positive.

Fozilet Simoni, specialistja e DAR

Specialstja Simoni thotë se prindërit duhet ta rishikojnë vendimin e tyre.

Prindërit duhet ta rishikojnë këtë, edhe percepsionin që mund të kenë për mësimin e gjuhës së huaj. Ka shumë nxënës, të cilët marrin gjuhë të huaj të parë gjuhën angleze, japin provim të detyruar gjuhën angleze, por mund të japin me zgjedhje gjuhën italiane.

Fozilet Simoni, specialistja e DAR

Shkolla “Hasan Prishtinaa”, “pjetër Budi”,  “Nike Dardani”, dhe “Shkolla e Kuqe” janë shkollat, në të cilat gjuha e huaj e parë do të jetë në italisht për klasat e treta.

TAG:
• bojkot
• gjuhe e huaj
• Fozilet Simoni

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  72.1%

• Nuk e di

  8.7%

Vota total: 2319

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di