Botërori 2018/ Belgjika shkund Panamanë në Soçi, rezultati 3-0

Botërori 2018/  Belgjika shkund Panamanë në Soçi, rezultati 3-0

Belgjikë-Panama

Belgjika ka kaluar pa probleme ndeshjen e parë në grup, duke fituar pastër 3-0 ndaj ekipit debutues, Panama. Ndonëse nuk ka shënuar në pjesën e parë, belgët në të dytën janë zhbllokuar shpejt dhe pastaj e kanë pasur të thjeshtë.

Pas një pjese të parë të dobët, Belgjika ka shpërthyer pas pushimit, duke mposhtur bindshëm Panamanë. Belgët e kishin shumë të vështirë të shënonin golin që do t’u lehtësonte punën, teksa Panama luante ndeshjen e parë të historisë së saj në Kupën e Botës.

Mundësitë për të shënuar nuk munguan, por Mertens me shokë nuk ishin të qetë dhe mbase e kishin nënvlerësuar më shumë sesa duhej sfidën ndaj një ekipi inferior. Por pas pushimit belgët u futën me një mentalitet tjetër, ishin më agresivë dhe më kreativë dhe kjo u pa te goli i parë.

Pas një aksioni të bukur, topi shkon te Dries Mertens, i cili me një goditje fantastike me të parën ka arritur të zhbllokojë rezultatin. Pas tij ishin dy golat e Romelu Lukaku-t që vulosën tri pikët e para për Djajtë e Kuq. Në fund Panamaja mund të kishte shënuar golin e nderit nga larg.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet