Burrel/ Policia kap mat hajdutin serial me maskë dhe levë në dorë

Burrel/ Policia kap mat hajdutin serial me maskë dhe levë në dorë

Maska, leva dhe dorezat e perdorura nga i arrestuari

Tentoi të vjedhë me thyerje një mini market, por pas ndërhyrjes së policisë 39 vjeçari u arrestua në flagrancë.

Policia ka mundur të zbardhë dhe dokumentojë me prova ligjore edhe 5 vjedhje të kryera më parë po i njëjti person.

Specialistët për Hetimin e Krimit në Komisariatin e Policisë Mat arrestuan në flagrancë Ismail Dishukën, 39 vjeç, banues në Burrel (i dënuar më parë për vjedhje).

Arrestimi i tij u bë pasi, rreth orës 03.00 të natës mes të shtunës dhe të dielës ai është konstatuar në Burrel nga patrulla e policisë me maskë në fytyrë, me doreza dhe një levë duke tentuar të hapë dyqanin mini-market në pronësi të shtetasit A.M, 46 vjeç.

Ndërhyrja e mënjëherëshme e Policisë , bëri të mundur kapjen dhe arrestimin në flagrancë të 39 vjeçarit.

Në cilësinë e provës materiale u sekuestruan :

Një palë doreza, një levë dhe një maskë, të përdorura nga autori.

Si rezultat i veprimeve hetimore të kryera nga policia, bazuar edhe në provat e siguruara , dyshohet se ky shtetas është autor edhe i disa vjedhjeve të kryera më parë në qytetin e Burrelit dhe konkretisht :

- Më datë 21. 02. 2018, ka vjedhur një lopë në pronësi të shtetasit V.K, dhe një lopë të shtetasit A.K.

- Më datën 01. 04. 2018, ka vjedhur lokalin Bar–Cafe në pronësi të shtetasit A.M, dhe dyqanin me artikuj të ndryshëm në pronësi të shtetasit Sh.D.

- Si dhe më datë 24. 04. 2018, ka vjedhur dyqanin me artikuj të ndryshëm në pronësi të shtetasit Xh.L.

Nga ana e Policisë së Komisariatit Mat, po punohet për identifikimin dhe zbulimin e autorëve të tjerë që kanë ndihmuar të arrestuarin dhe që janë të implikuar në këto ngjarje.

Materialet proceduriale do ti referohen Prokurorisë Rrethit Gjyqësor Mat për veprën penale "Vjedhje e kryer në bashkëpunin e mbetur në tentativë" , parashikuar nga nenet 134/2, 22 të Kodit Penal.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnja përmbys 4-3 Vorën në 'Roza Haxhiu', ndryshon renditja në Kategorinë e Parë

Lushnja përmbys 4-3 Vorën në 'Roza Haxhiu', ndryshon renditja në Kategorinë e Parë