Bushati me Diasporën shqiptare në
Boston:Bashkëudhëtarë të ndryshimit
Ministri i Jashtëm Ditmir Bushati, i cili gjendet në Shtetet e Bashkuara të Amerikës për të marrë pjesë në Sesionin e 71-të të Asamblesë së Përgjithshme të Kombeve të Bashkuara, zhvilloi gjatë ditës së djeshme një bashkëbisedim me përfaqësues të Diasporës shqiptare në Boston, i organizuar në bashkëpunim me Qendrën për Zhvillim Ndërkombëtar të Universitetit të Harvardit
Ministri i Jashtëm Ditmir Bushati, i cili gjendet në Shtetet e Bashkuara të Amerikës për të marrë pjesë në Sesionin e 71-të të Asamblesë së Përgjithshme të Kombeve të Bashkuara, zhvilloi gjatë ditës së djeshme një bashkëbisedim me përfaqësues të Diasporës shqiptare në Boston, i organizuar në bashkëpunim me Qendrën për Zhvillim Ndërkombëtar të Universitetit të Harvardit.
Në fjalën e mbajtur me këtë rast, Ministri Bushati vlerësoi kontributin e shqiptarëve në Amerikë dhe rolin që përfaqësuesit e komunitetit shqiptar kanë luajtur për çështje të karakterit kombëtar dhe për zhvillimin e Shqipërisë.
"
Themeluesit e shtetit modern shqiptar, ndër të cilët kishte dhe anëtarë të diasporës sonë në Boston, e dinin fare mirë se nuk mund të ruhej pavarësia pa zhvillim ekonomik" - nënvizoi Ministri Bushati.
Ai i njohu të pranishmit me investimet e kryera vitet e fundit për modernizimin e infrastrukturës konsullore dhe përdorimin e teknologjive të reja për të mundësuar ofrimin e shërbimeve online, në mënyrë transparente dhe të sigurt, siç është E-Konsullata, për të gjithë shqiptarët, kudo që ndodhen.
Bushati nënvizoi nevojën e institucioneve shqiptare për një partneritet të strukturuar me Diasporën dhe në këtë kontekst theksoi se Ministria e Punëve të Jashtme në bashkëpunim me Organizatën Ndërkombëtare të Migracionit po përgatit një strategji kombëtare me qëllim përfshirjen sa më efektive të diasporës shqiptare në zhvillimin e vendit.
Zbatimi i kësaj strategjie do të diskutohet me përfaqësues nga diaspora shqiptare në të gjitha vendet e botës gjatë Samitit të parë të Diasporës që do të mbahet në Tiranë në nëntor të këtij viti.
Gjatë qëndrimit në Boston, Ministri Bushati vizitoi gjithashtu shkollën e gjuhës dhe trashëgimisë shqipe "BESA" e cila feston 10 vjetorin e krijimit të saj. Në një atmosferë të ngrohtë dhe miqësore, Ministri Bushati dorëzoi tekstet për mësimin e gjuhës shqipe dhe historisë së Shqipërisë, dhuratë e Qeverisë shqiptare për fëmijët në Diasporë.
Gjatë qëndrimit të tij, Ministri Bushati mori pjesë në meshën e komunitetit shqiptar në Katedralen e Shën Gjergjit në Boston, aty ku Fan Noli mbajti liturgjinë e parë hyjnore në gjuhën shqipe në historinë e Kishës Ortodokse më 22 mars 1908.
Në fund të ceremonisë, At Artur Liolin, i dorëzoi Ministrit Bushati vulën "Ex-Libris", me të cilën Faik Konica vuloste letrat dhe librat e tij, dhuratë e bibliotekës Fan Noli në Boston për Bibliotekën Kombëtare shqiptare.
Redaksia Online
(F.T/shqiptarja.com)
Sondazhi i ditës:
A ka politika frikë nga SPAK-u?
-
Po
68.4%
-
Jo
26.8%
-
Nuk e di
4.8%
Vota total: 2205
Lajme të tjera
-
Sondazhi i Report Tv/ Nëse votohet sot, 52% e zgjedhësve të vendosur do të votonin për PS-në! 30% për PD-në e Berishës
24 Prill, 22:44
-
Sondazhi i Report Tv/ Nëse zgjedhjet mbahen sot, PS parti e parë me 34.8%, rriten votat për partitë e vogla! PL e Metës mbetet forcë e katërt
24 Prill, 22:33
-
Gjykata e Lartë greke ndalon garimin e partisë së ekstremit të djathtë, 'Spartanët', në zgjedhjet europiane
24 Prill, 22:31
-
Netanyahu: Anti-semitizmi në kampuset amerikane si në universitetet gjermane në vitet 1930
24 Prill, 22:25
-
Sondazhi i Report Tv/ Rama ruan 'fronin' si lideri i preferuar, 35% s’duan asnjë politikan! Bie pëlqyeshmëria për Berishën e Bashën
24 Prill, 22:23
-
Sondazhi në Report Tv/ Rritet në 76% vlerësimi negativ i qytetarëve për aktivitetin e opozitës
24 Prill, 22:21
-
Sondazhi në Report Tv/ 39% e qytetarëve vlerësim pozitiv për punën e qeverisë Rama, 61% e kanë negativ
24 Prill, 21:56
-
Mero Baze: Beteja këmbëngulëse e Ramës ndaj një reportazhi të RAI
24 Prill, 21:45
-
Sondazhi në Report Tv/ Marrëveshje PS-Rithemelimi për të kontrolluar SPAK? Qytetarët të ndarë: 49.1% e besojnë, 50.9% përgjigjen jo
24 Prill, 21:39
-
Probleme me kredinë e udhëtimet në SHBA, Itali e Turqi, ONM kundër konfirmimit në detyrë të prokurorit Preçi! Deklaroi se fitoi 7 mijë euro në skedinë
24 Prill, 21:29
-
'Hyri 30 vjeç në burg, doli 60 vjeç! Amnistia penale i 'fali' vetëm disa ditë burg
24 Prill, 21:22
-
Sondazhi në Report Tv/ 75% e qytetarëve vlerësim negativ për gjykatat dhe prokuroritë e qarqeve: Po funksionojnë keq
24 Prill, 21:18