Çerekfinalet e Botërorit nisin me Uruguaj-Francë, Deschamps kërkon kujdes

Çerekfinalet e Botërorit nisin me Uruguaj-Francë, Deschamps kërkon kujdes

Lojtarët e Francës dhe Uruguait

Çerekfinalet e Botërorit “Rusi 2018” nisin me një superpërballje Uruguaj-Francë. Duke nisur nga ora 16:00 në Nizhny Novgorod “La Celeste” do të përballet me gjelat francez dhe vigjilja rrotullohet rreth Edinson Cavanit.

Sulmuesi është stërvitur i vetëm dje dhe është në dyshim të madh për të luajtur por nuk përjashtohet mundësia që ta nisë nga stoli. Në vendin e tij pritet të luajë Stuani ndërsa Tabarez nuk do të ndryshojë asnjë lojtar tjetër krahasuar me ndehsjen ndaj Portugalisë me mbrojtjen që do formohet nga Cacares , Godin, Gimenez dhe Laxalt.

Në mesfushë Nandez do luajë në të djathtë dhe më pas treshja Vecino-Torreira-Bentancur dhe në sulm Suarez e Stuani. Trajneri Oscar Tabarez fluturon ulët dhe thotë :

Jemi të vetëdijshëm për limitet tona, nuk jemi ne favoritët por jemi shumë krenar. Franca është një rival shumë i fortë që na respekton dhe ne e respektojmë. Për Cavanin do të vendosim në momentet e fundit

Tabarez

Transalpinët kanë përballë një rivl që ka pësuar vetëm një gol ndërsa mungesë të vetme kanë Matuidi të pezulluar dhe vendin e tij pritet ta zërë Tolisso që do luajë krah Kante e Pogba. Në mbrojtje nuk ka ndryshime ndërsa tredhëmbëshin e sulmit pritet ta përbëjnë sërish Griezmann, Mbappe e Giroud.

Tekniku Didier Deschamps i trembet amerikano jugorëve:

 Janë një skuadër shumë e fortë . Uruguaji nuk është Argjentina dhe për ne vështirësitë janë më të mëdha” e mbyll numri një i pankinës së Francës. Uruguaji nuk ka humbur asnjëherë ndaj Francës në përballjet në Kupën e Botës duke koleksionuar 1 fitore dhe dy barazime në tre përballje.

Dider Deschamps

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Petro Koçi zbulon pse abstenoi për ngritjen e Komisionit parlamentar për sistemin TIMS

Petro Koçi zbulon pse abstenoi për ngritjen e Komisionit parlamentar për sistemin TIMS