‘Tym e flakë’/ Shkarkimet elektrike dogjën dje pajisjet në Cërrik, banorët: Duam kompensim nga OSHEE

Luhatjet e tensionit kanë djegur pajisjet elektroshtëpiake të rreth 200 familjeve në lagjen nr. 3 të Cërrikut. Nga dje kjo lagje ka mbetur edhe pa energji elektrike. Sot banorët janë ngritur në protestë dhe kërkojnë kompensimin e dëmit të shkaktuar.

Para kamerave ata shprehen se luhatja e tensionit u ka djegur televizorë, frigoriferë, lavatriçe, pompa uji etj. Ata shprehen se pasi erdhi energjia nga pajisjet doli tym e flakë. Të tjerë shprehen se kanë qenë në punë dhe nuk dinin gjë dhe kur kanë vënë në punë pajisjet u janë djegur. Edhe tregtarët ankohen se u prishën mallrat dhe se i kanë dërguar në tregtarë të tjerë.

Banorët e kësaj lagjeje ankohen se nuk kanë mundësi që të zëvendësojnë pajisjet e dëmtuara. Se janë pa punë dhe me asistencë. Por mbi të gjitha ata shprehen se paguajnë rregullisht energjinë dhe se kur ndodh që nuk e paguajnë ua ndërpresin dritat. Nga dje ata kanë mbetur edhe pa ujë pasi furnizoheshin me pompa.

LEXO EDHE:
“S’do vdesim me zor!”, të pastrehët e tërmetit 5 vite në pritje të rindërtimit në Durrës

Banorët kërkojnë ngritjen e një komisioni për vlerësimin e dëmit të shkaktuar dhe më pas kompensimin nga OSSHE. Në të kundërt ata kanë paralajmëruar përshkallëzim të protestës.

Dy vjet më parë e njëjta situatë ndodhi në lagjen Malasenj dhe sot e kësaj dite banorët e kësaj lagje nuk e morën kompensimin. Protestës i janë bashkuar edhe përfaqësues të Partisë Demokratike.

TAG:
• OSHEE
• Protesta
• cerrik
• elektroshtëpiake
• energjia eletrike

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.8%

• Jo

  74%

• Nuk e di

  7.2%

Vota total: 867

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di