Ç'po ndodh me euron? Eksperti Çoçoli në Report Tv: Do rritet pas dy muajsh

Euro ndodhet aktualisht në nivelin rekord më të ulët, ku ka humbur jo pak, por 7%. Për ekspertët e ekonomisë, pas dy muajsh monedha europiane do rimarrë veten dhe do ringrihet. I ftuar në studion e Report Tv, Fatos Çoçoli tha se muajt shtator dhe tetor do shënojnë rritje të euros në vlerën e saj në treg. Sot, një euro këmbehet në tregun valutor me 124.8 lekë, duke prekur kështu nivelin më të ulët në histori. 

Shpresoj që nga shtatori, ose mesi i tetorit, euro do bëjë atë kthimin real, drejt ngritjes. Por do të jetë në ato shifra që për ekonominë tonë do jenë një raport shkëmbimi i shëndetshëm. 

Fatos Çoçoli, ekspert i ekonomisë

Eksperti i ekonomisë theksoi se zhverësimin e monedhës europiane në raport me lekun e kanë sjellë disa faktorë, mes të cilëve edhe paratë e paligjshme që futen në vendin tonë si rrjedhojë e trafikut të kanabisit. 

Sa i takon ndikimit ekonomik që do ketë çelja e negociatave, Çoçoli tha se çdo hap i Shqipërisë drejt BE sjell vetëm të mira për ekonominë dhe biznesin shqiptar. 

LEXO EDHE:
Fatos Çoçoli: E vërteta e naftës së Shpiragut

Është mirë që jemi kaq të euroizuar, që kemi kaq shumë euro në treg. Ky është një ritëm i natyrshëm dhe nëse hapen negociatat në 28 qershior për të nisur bisedimet me BE për anëtarësimin tonë, kjo do shkojë edhe më mirë. Të flasim për të mira që nuk i shohim është paksa paradoksale, sepse vetëm të mira do kemi nga hapja e bisedimeve me BE. Do ketë më shumë politika mbrojtëse, çdo strukturë qeveritare duhet të bëjë hesapin e saj, pavarësisht se loja tashmë i përket vendeve të BE. 

Fatos Çoçoli, ekspert i ekonomisë

TAG:
• fatos cocoli
• renia e euros

Sondazhi i ditës:

A ka politika frikë nga SPAK-u?

• Po

  67.8%

• Jo

  28%

• Nuk e di

  4.1%

Vota total: 1113

• Sondazhi i ditës:

  A ka politika frikë nga SPAK-u?

  Po Jo Nuk e di