DASH bën thirrje për shmangien e turizmit në Rusi
Në ditën kur Departamenti Amerikan i Shtetit paralajmëronte qytetarët amerikanë të shmangin planet për turizëm në Rusi, sepse mund të bëhen objekt terrorizmi ose ngacmimesh, një taksi u përplas mbi një grup tifozësh në trotuar, duke shkaktuar frikë
Departamenti Amerikan i Shtetit
Në ditën kur Departamenti Amerikan i Shtetit paralajmëronte qytetarët amerikanë të shmangin planet për turizëm në Rusi, sepse mund të bëhen objekt terrorizmi ose ngacmimesh, një taksi u përplas mbi një grup tifozësh në trotuar, duke shkaktuar frikën e një episodi të qëllimshëm.
Mes personave të plagosur nga incidenti në rrugën “Ilinka”, 200 metra larg Sheshit të Kuq, kishte edhe tifozë meksikanë. Në spital kanë përfunduar gjithashtu dy rusë e një ukrainas.
Pas përplasjes, shoferi është përpjekur të largohet nga vendi i ngjarjes , por kalimtarët e rastit i janë vënë pas, duke e mbërthyer në vend. Sipas policisë, patenta e tij tregon se është nga Kirgistani. Vetë i ndaluari pretendon se bëhet fjalë thjesht për një gabim dhe se ngjarja nuk ka aspak sfond terrorist.
“Isha i lodhur e mezi po prisja të shkoja në shtëpi e të flija gjumë, ka rrëfyer ai, e në vend që të shkelja frenat, pa dashje i dhashë makinës gaz”.
Paralajmërimi i DASH thoshte se aktivitete të mëdha ndërkombëtare si Botërori “përbëjnë një objektiv me interes për terroristët” dhe se “sulmet mund të ndodhin papritur në objekte që tërheqin të huajt, në mjete të transportit urban ose në vende publike”.
Po sipas udhëzimit “qytetarët amerikanë bëhen shpesh viktima frikësimesh, keqtrajtimesh dhe ngacmimesh të tjera nga forcat e rendit dhe zyrtarë të tjerë” dhe në mjaft raste “personeli konsullor pengohet në përpjekjet për t’iu ofruar ndihmë shtetasve”.
Sondazhi i ditës:
Sa i përhapur është korrupsioni në Shqipëri?
-
Shumë
84.9%
-
Pak
8.9%
-
Nuk e di
6.2%
Vota total: 3189
Lajme të tjera
-
DASH raport për Shqipërinë: Probleme në pavarësinë e gjyqësorit! 'S'ka arrestime politike'! 'Syri' spiunoi gazetarët e vet për të siguruar nëse respektonin linjën politike të pronarëve
22 Prill, 20:21
-
Rusëve që janë kundër luftës nuk u njihet azili në Gjermani
22 Prill, 09:13
-
DASH: Ndalimet arbitrare të qytetarëve dhe policëve të Kosovës, veprime përshkallëzuese
18 Prill, 18:12
-
Presidenti Begaj pret zyrtaren e DASH: Shqipëria, mbrojtëse dhe promovuese e të drejtave të njeriut në OKB
18 Prill, 12:01
-
Evakuohen mijëra banorë nga një rajon rus, pas thyerjes së pjesshme të digës
6 Prill, 14:06
-
Komisioni i Dezinformimit, Avokati: Rusia do të destabilizojë Shqipërinë, financon media dhe politikanë, Ilir Meta një prej tyre
3 Prill, 17:59
-
Lufta diplomatike SHBA-Rusi, Moska iu ndalon hyrjen 200 amerikanëve, mes tyre dy zyrtarëve të lartë të DASH
14 Mars, 16:05
-
Sulmi në Banjskë, DASH: Radoiçiçi është kriminel që duhet të mbahet përgjegjës
12 Mars, 07:16
-
Tronditje në Berlin: Si e kapi Rusia bisedën sekrete të ushtrisë gjermane?
4 Mars, 10:45
-
Heqja e dinarit, DASH: Bisedimet mes Kosovës dhe Serbisë në Bruksel të vijojnë me urgjencë
28 Shkurt, 09:20
-
DASH pro shitjes së 246 raketave kundërtanke Javelin për Kosovën, vlera 75 milionë dollarë
12 Janar, 07:22
-
Serbia plan për rikthimin e shërbimit të detyrueshëm ushtarak, SHBA: Po vëzhgojmë situatën nga afër
10 Janar, 08:21