POP 5

Lajmet më të lexuara të 5 minutave të fundit

Sociale

Debate në zgjedhjet e Urdhrit të infermierit: Zgjedhjet e paligjshme, nuk u njohëm me kandidatët

Zgjedhjet për organet drejtuese për urdhrin e infermierit kanë shkaktuar debate të shumta në sallë. Duke marrë fjalën disa prej infermierëve thanë se zgjedhjet janë të paligjshme, pasi anëtarët nuk janë njohur më parë me kandidatët që duhet të votonin pikërisht sot.
 

Me debate, diskutime dhe pyetje të shumta janë zhvilluar sot zgjedhjet për organet drejtuese të Urdhrit të Infermierit për Tiranës. Pakënaqësira, pyetje, por edhe akuza janë ngritur përkundrejt këtij institucioni, i cili po bën gati strukturën për zgjedhjet e Presidentit të Ri të Urdhrit të Infermierit.

Mimoza Kalaja, infermierja e QSUT nga nga podiumi ku mori fjalën bëri me dije se mënyra e zhvillimit të zgjedhjeve të sotshme ishte e paligjshme, pasi anëtarët u njohën sot me kandidatët që duhet të votonin, pa u bërë paraprakisht një fushata. Prej andej infermierja Kalaja i drejtoi disa pyetje presidentit të urdhrit të infermierit, Sabri Skënderi.

A e dini juve që ka shumë infermirë që vuajnë nga hepatitis, sida dhe shumë sëmundje të tjera? Ne nuk dimë kush janë kandidatët! Infermieria është në kaos!

Mimoza Kalaja, infermiere

President i Urdhit të infermierit Sabri Skënderi, zgjodhi t'i përgjigjej pyetjeve dhe shqetësimit të infermieres Kalaja duke shpjeguar strukturën e zgjedhjeve.

Asambleja kombëtare zgjedh këshillin kombëtar, i cili zgjedh presidentin dhe emëron sekretarin e përgjithshëm.

Sabri Skënderi, President i Urdhrit të Infemierit

Por, Anila Dine ishte një prej infermiereve që ishte skualifikuar nga kandidatura, me arsyetimin e ishte e palicensuar. Dine shpjegoi se moslincesimi i saj kishte disa shkaqe:

Përgjigje për miratimin ose eleminimin e dosjes time më ka ardhur me shumë vonesë. Kjo është bërë qëllimisht për të mos më dhënë mundësinë e ankimimit.

Anila Dine, Infermiere

Lidhur me shqetësimin e Anila Dine, kreu i urdhrit të infermierit tha se:

Ajo kishte mospërputhje. E pranoi vetë. Kishte një periudhë kohore që nuk ishte regjistruar.

Sabri Skënderi, President i Urdhrit të Infemierit

Ndërkohë në 5 dhjetor urdhri i infemierit do të zhvillojë zgjedhjet për kreun e tij.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Zhdukja e 3-vjeçarit në Durrës, lihet në burg gjyshi dhe kunati i tij

Zhdukja e 3-vjeçarit në Durrës, lihet në burg gjyshi dhe kunati i tij

19 Prill, 14:51