Dekreti për buxhetin, mazhoranca pritet të rrëzojë Metën të premten

Ilir Meta u bë i pari president në historinë pluraliste që i kthen mbas Kuvendit buxhetin e shtetit duke mos e dekretuar atë. 

Presidenti e bëri këtë veprim i ndikuar nga protesta e studentëve, të cilët kërkonin që buxheti për arsimin të rritej. Kreu i shtetit ja nisi Kuvendit për rishqyrtim ligjin e buxhetit, duke kërkuar që të reflektohej sa të ishte e mundur mbi kërkesat e studentëve. 

Por burime pranë mazhorancës i thanë Report TV bëjnë me dije se ky dekret do të rrëzohet. Kryetari i Kuvendit, Gramoz Ruci ja ka përcjellë këtë dekret për shqyrtim, komisionit përgjegjës, atij të Ekonomisë dhe Financave. 

Ky komision do ta shqyrtojë brenda javës së ardhshme dhe të premten, në 21 dhjetor do të rrëzohet në seancë plenare me argumentin se buxheti është i balancuar. 

Por kërkesat e studentëve kanë sjellë në Kuvend dhe disa propozime të tjera. Dy amendamente janë bërë nga LSI dhe ato do t'u nënshtrohen komisioneve parlamentare, e në fund fati pritet të jetë siç e njoftoi dhe vetë Edi Rama. 

“Janë bërë për tu rrëzuar”. 

Ndërkohë, këtë të diel, deputeti demokrat Luciano Boci ka propozuar ndryshime të tjera ligjore që sipas tij, plotësojnë kërkesat e studentëve. Boci kërkon që buxheti për ministrinë e arsimit të bëhet 5 % e prodhimit të brendshëm bruto, sikundërse kërkojnë edhe studentët. 

Edhe kjo nisëm do t’i nënshtrohet procedurës parlamentare.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bora: 17/12/2018 01:57

    Te lumte zoti Rama. Respekt

    Përgjigju
  • Agimi: 16/12/2018 16:00

    Ti hash kaken o Zeno

    Përgjigju
  • Zenuni: 16/12/2018 15:28

    FILLUAN VEPRIMET E HAKMARRJES NGA DIKTATORI RAMA DELET DHE RAMA DO VOTOJNE PER TE HEQUR QAFE KUNDERSHTARIN SO O BURRA PROTESTUES TE RREZOJME DIKTATORIN RAMA

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund