Dënohet me burg, Jean-Claude Arnault anëtari i 19-të i Akademisë së Nobelit

Me një vendim unanim, Gjykata në Stokholm ka dënuar më në fund  anëtarin e akademisë suedeze së Nobelit Jean-Claude Arnault, bashkëshortin e anëtares së jurisë: Katarina Frostenson, që ndan çmimin më prestigjioz të letërsisë së botë, me dy vjet burgim, që është dënimi minimal.

Gjykatësja Gudrun Antemar ka thënë se ka pasur “dëshmi të mjaftueshme për të dënuar të pandehurin për një nga dy akuzat për dhunim, për të cilat është akuzuar; shumica e të cilave dolën gjatë deklaratave në procesin e gjykimit nga pjesa e dëmtuar dhe disa nga dëshmitarët”. Vendimi erdhi në fillim të javës së çmimeve “Nobel”, pak kohë pasi u nda ai për mjekësi.

Pas gjykimit me dyer të mbyllura, prokurorja publike, Christina Vogit, ka bërë thirrje që Arnault të dënohet me të paktën tre vjet burgim. Dënimi maksimal në Suedi për dhunim është gjashtë vjet.

LEXO EDHE:
Shkencëtarët thonë se mund të eleminojnë HIV-in nga qelizat e infektuara

72-vjeçari Arnault, që është një figurë me ndikim në skenën kulturore suedeze për shumë dekada,  u përball me akuzat se ai e ka detyruar një grua të kryente marrëdhënie seksuale në një apartament në Stokholm më 5 tetor të vitit 2011 dhe se e kishte dhunuar atë prapë më 2 dhjetor në të njëjtin apartament derisa ajo ishte në gjumë.

Në deklaratë, gjykata ka thënë se Arnault, i cili tërë kohën është krenuar se është “anëtari i 19-të” i akademisë suedeze” është gjetur fajtor për akuzën e parë dhe i pafajshëm për të dytën. “Pala e dëmtuar është shpërblyer me kompensim”, shkruhet ndër të tjera në deklaratë.

Jean-Claude Arnault dhe Katarina Frostenson

TAG:
• Nobel
• Katarina Frostenson
• Jean-Claude Arnault
• Christina Vogi

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.9%

• Jo

  72.3%

• Nuk e di

  8.7%

Vota total: 2264

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di