POP 5

Lajmet më të lexuara të 5 minutave të fundit

Detajet e aksionit/ Përgjimet e telefonit çuan RENEA-n në vilën e Haxhi Likës (VIDEO)

Vila e Haxhi Likës

Një vilë dykatëshe në fshatin Remas të Divjakës, kjo që shihni në pamjet e siguruara nga Report TV u bë shënjestra e një kontrolli të befasishëm këtë mëngjes.

Burime të Shqiptarja.com dhe Report Tv bëjnë me dije se nga përgjimet e telefonave të dy personave të kërkuar për vrasje, njëri prej tyre Laert Haxhiu, rezultonte që ata fshiheshin në zonën ku ndodhej vila e Likës dhe të afërmve të tij. Jo pa qëllim që prej orës 04:00 të mëngjesit forcat speciale rrethuan dhe bastisën pikërisht banesat e këtij fisi.Gjatë momentit kur RENEA do hynte në shtëpinë e Haxhi Likës, burime policore thonë se ai ka bërë rezistencë nga dritarja e vilës me armë gjahu në dorë. Ndërsa policia pretendon të ketë qëlluar në ajër, burimet e Report Tv siç raportoi gazetari Dricim Caka, thonë se ka pasur edhe të shtëna në drejtim të banesës së Likës. Shenjat e plumbave janë në mure e dritare. Po ashtu në krevatin e tij të gjumit ka shenja gjaku.

Pas bastisjes së banesës policia ka shoqëruar edhe dy djemtë e Haxhi Likës, Arben dhe Martin Likën. Nuk dihet ende lidhja e tyre me dy të kërkuarit që policia pretendonte se fshiheshin pikërisht në banesën e tyre.

ma.nd./b.ha.
Komento