‘Deti na bashkon’, zhvillohet gara spektakolare Brindisi-Vlorë me veliera, Leli: Atraksion turistik

Edicioni i 8 i “Regata del grante Salento”, ose ndryshe gara me veliera nga Brindisi në Vlorë ka ardhur me risi këtë vit. Ndryshe nga herët e tjera kur gara bëhej Brindisi-Vlorë-Brindisi këtë vit është zhvilluar edhe gara e gjirit të Vlorës, e iniciuar kjo nga Lidhja Italiane Detare Dega Brindisi, Bashkia Brindisi, Bashkia Vlorë dhe Konsullata Italiane në Vlorë.  17 anije me vela me 90 garues në bordet e tyre pjesëtarë të lidhjes italiane detare dega Brindisi kanë zhvilluar një garë interesante dhe të fortë në itinerarin Brindisi-Vlorë ku ka fituar veliera me emrin Aria.

Më pas 9 anije me vela kanë zhvilluar garën e gjirit të Vlorës Orikum –Vlorë- Orikum, teksa fituese u shpall e njëjta varkë. Këtë vit me plot risi garën e ndoqi nga afër është kryebashkiaku i Vlorës Dritan Leli, cili e shikon këtë kompeticion si një mundësi për ta kthyer në një atraksion turistik, teksa rastësisht rezultoi të ishte edhe në velierën fituese. Ai u shpreh i kënaqur nga bashkëpunimi më bashkinë e Brindisit dhe evidentoi se synon që ky event të kthehet në një traditë për qytetin e Vlorës.

Ka qenë një eksperiencë fantastike dhe për fatin e velieristëve sot pavarësisht se për qytetarët nuk është e pëlqyer, por për ekuipazhin e këtyre anijeve sot ishin kushtet ideale të një gjiri që e krahasojmë me një stadium të erës, ideal për të realizuar gara me vela. Kjo eksperiencë e re është një thirrje për të pasur më shumë evente të tilla dhe për ta bërë sportin e velave një sport që ndiqet jo vetëm nga miqtë, por për ta konsoliduar në qytetin e Vlorës. Është një fillim për të pasur gara të tjera në gjirin e Vlorës për ta bërë destinacion të ri turistik

LEXO EDHE:
Vlorë, lëvizte me armë me vete, arrestohet 34-vjeçari

Dritan Leli

Ndërkohë nga ana tjetër kapiteni i velierës fituese Aria u shpreh entuziast për risitë e këtij kompeticioni, teksa në mbrëmje do të organizohet edhe një ceremoni festive për përmbylljen me sukses të kësaj gare.

Shkoi shumë mirë ky edicion me ristë e reja, në bord edhe kryebashkiakun Leli. Falë tij dhe homologut të tij në Brindisi u bë i mundur ky kompeticion. Më parë bëmë garën Brindisi-Vlorë, sot Orikum-Vlorë-Orikum për herë të parë. Vlora ka kushte shumë të mira për të zhvilluar këtë sport.

Kapiteni i velierës fituese Aria

‘Regata del grante Salento’ është themeluar në vitin 2011 për të simbolizuar eksodin e popullit shqiptare me anije drejt Italisë. Ky aktivitet shkon përtej garës sportive, është një takim mes dy brigjeve, 2 popujve 2 kulturave me shumë emërues të përbashkët.

TAG:
• Vlore
• dritan leli
• veliera
• Regata del grante Salento
• brindisi

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72.1%

• Nuk e di

  8.6%

Vota total: 3066

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di