Shqipëria dhe Greqia nisin negociatat për 'Detin', takimi i parë 'sekret'

Shqipëria dhe Greqia kanë nisur bisedimet për ndarjen e detit. Takimi i parë është mbajtur këtë të hënë në Tiranë në ambientet e Ministrisë për Europën dhe Punët e Jashtme. Për këtë takim të parë të grupit negociator të të dy vendeve, nuk ka pasur asnjë njoftim nga Ministria e Jashtme. 

Nisja e negociatave Shqipëri-Greqi u njoftua vetëm në orët e vona të pasdites së kësaj të hëne nga Ministria e Jashtme përmes një njoftimit të shkurtër të shpërndarë për mediat. Sipas deklaratës së MEPJ, raundi i parë i bisedimeve për 'Detin' është zhvilluar në mirëkuptim të plotë të përfaqësuesve të të dy vendeve në tryezë.

Sot, me datë 30 prill 2018, u zhvillua në Tiranë raundi i parë i bisedimeve mes Shqipërisë dhe Greqisë për kufizimin e zonave detare. Takimi u zhvillua në një klimë konstruktive dhe bashkëpunuese.

Njoftimi i Ministrisë së Jashtme për takimin negociator për 'Detin'

Takimi i zhvilluar në një klimë konstruktive dhe bashkëpunuese konfirmohet edhe nga pala greke. Në deklaratën e publikuar në faqen zyrtare të MEPJ, takimi i parë negociator në Tiranë përshkruhet me të njëjtat fjalë.  

“Është zhvilluar në Tiranë raundi i parë i bisedimeve midis Greqisë e Shqipërisë për përcaktimin e kufijve detarë. Takimi u zhvillua sot më 30 prill 2018 në Tiranë. Takimi u zhvillua nën një frymë bashkëpunimi”. 

Deklarata e publikuar në faqen zyrtare të MPJ greke

(Njoftimi i Ministrisë së Jashtme greke)

Bisedimet për ndarjen e detit nisën vetëm pak ditë pas takimit në Bruksel të Ditmir Bushatit me homologun e tij grek, Nikos Kotzias. Grupi i negociatorëve shqiptarë drejtohet nga dy bashkëkryetarë, Armand Skapi nga Ministria e Jashtme dhe Ylber Dogjani, komandant i Flotës Detare.

Grupi i negociatorëve: 

Armand Skapi - Ministria e Jashtme

Ylber Dogjani - Komandant i Flotës Detare

Artur Mecollari - Kapiten i parë i Forcave Detare

Arsen Mullai -  Drejtor i Përgjithshëm i AKBN

Viktor Doda - Drejtor i Përgjithshëm i shërbimit gjeologjik shqiptar

Aida Hajna - Zv/drejtoresha e Policisë

Ardjan Bylyku - Drejtori i AKBN

Qirjako Qirko - Ambasador i Shqipërisë në Londër

Elira Kokona - Sekretare e Përgjithshme në Ministrinë e Drejtësisë

Ferdi Hysaj - Instituti i Gjeografisë

Luan Bërzhita - Instituti i Arkeologjisë

Lorenc Çela - Drejtor i Institutit të Gjeo-Hapësirës

Bushati dhe Kotzias takohen të enjten në Selanik
Të enjten dhe të premten Nikos Kotzias e Ditmir Bushati do takohen përsëri midis tyre këtë herë në një takim ndërministror në Selanik të Greqisë. Në qytetin verior grek zhvillohet takimi i 3-të ndërministror midis Greqisë, Shqipërisë, Bullgarisë e Maqedonisë. Aty do të marrin pjesë veç ministrave të Jashtëm edhe ministrat e Brendshëm si dhe të Transportit.

Sipas programit veç mini-konferencës së përbashkët do të ketë edhe takime bilaterale midis ministrave përkatës. Me më shumë interes priten të jetë takmet që ministri i Jashtëm grek, Nikos Kotzias, do të ketë me homologun shqiptar Ditmir Bushati për marrëveshjen midis dy vendeve si dhe me homologun maqedonas për çështjen e emrit zytar të shtetit sllav.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

'Radio France': Shqipëria, destinacioni turistik në trend dhe i lirë

'Radio France': Shqipëria, destinacioni turistik në trend dhe i lirë