Diamanti mbretëror në ankand pas 300 vitesh

Diamanti mbretëror në ankand pas 300 vitesh

Diamanti blu

Përgjatë 300 viteve të fundit ka qenë në duart e 4 dinastive mbretërore europiane. Por, në muajin maj, diamanti i jashtëzakonshëm blu 6.16 karatësh, “Farnese”, do të dalë në shitje për të parën herë në historinë e tij, në shtëpinë e ankandeve “Sotheby’s”.

Guri i errët blu, në formë dardhe, u zbulua në minierën “Golconda” të Indisë, e fillimisht iu dhurua në vitin 1715, Elisabeth Farneses së lindur në Itali, pas martesës së saj me Mbretin Filip të Spanjës.

Që prej atëherë, diamanti i rrallë do të kalonte në më shumë se 7 breza, pasi trashëgimtarët e Elisabethës, të martuar në familje të tjera të mëdha europiane, udhëtuan në mbarë kontinentin, nga Spanja në Francë, Itali e Austri.

Në disa prej momenteve të tij më të rëndësishme, diamanti u mbajt nga Charles II, Duka i Luccas, e ka qenë edhe pjesë e kurorës me gurë të çmuar që besohet të jetë mbajtur nga Marie Antoinette.

Thuajse përgjatë të gjithë historisë së tij, ai njihej vetëm nga pjesëtarët e familjeve të përfshira, por edhe argjendarëve që kujdeseshin për të.

Muajin e ardhshëm, një familje e trungut të Mbretëreshës Elizabeth do të shesë gurin në ankandin madhështor të “Sotheby’s”, me vlerësimin e lartë të vendosur në 5 milionë franga zvicerane, apo 5.27 milionë dollarë, por sipas ekspertëve mund të shitet edhe më shumë sesa aq.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut