TIRANË-Një pjesë e banorëve të Unazës së Re në ditën e 38-të bllokuan rrugën për rreth 40 minuta duke protestuar kundër qeverisë, pasi kërkojnë dëmshpërblim të plotë për banesat e tyre që preken nga projekti, por që nuk janë të legalizuara. Protestës iu bashkua edhe Lulzim Basha me eksponentë të tjerë të PD-së.
Me pankarta në duar dhe thirrje anti qeverisë ata u mblodhën si cdo natë duke protestuar, ndërsa mbështeten nga Partia Demokratike dhe LSI-ja. “Rama Ik, ky është gjenocid, duam shtëpitë tona, poshtë projekti, larg shtëpive tona’ janë disa nga pankartat dhe thirrjet e tyre.
Prej më shumë se një muaji një pjesë e banorëve që kanë banesat pa leje vijojnë protestën, ndërsa pjesa tjetër ka pranuar ofertën e bashkisë për t’u zhvendosur në banesat sociale dhe për të pranuar bonusin e strehimit. Punonjësit e IMT deri tani janë shembur disa banesa që preken nga projekti.
Banorët e Unazës së Re paralajmërojnë kompanitë që të mos tentojnë që të hyjnë në Unazën e Re. Njëri nga banorët ka kërcënuar punonjësit e firmës me jetë nëse tentojnë që të afrohen në Unazën e Re. “Mos guxoni të vini në Unazën e Re se ju pret flaka dhe benzina. Mos merrni tentativa për të ardhur për të punuar, deri sa të gjendet një zgjidhje. Do iu djegim të gjallë” tha ai.
Një tjetër banor i Unazës së Re bëri thirrje që të pezullohet puna edhe në Lotin 2 dhe 3, pasi sipas tyre ashtu si në Lotin 1 ka shkelje dhe vjedhje. Ai u bëri thirrje banorëve të tjerë që të mos prishin banesat do të qëndrojnë deri në fund. Kujtojmë që në Lotin 1 u pezullua puna, pas hetimeve për firmën ‘DH Albania”.
I irrituar, njëri nga banorët e Unazës së Re ka deklaruar se qëndresa do të vijojë deri në fund duke mos lejuar prishjen e banesave. “Kryehajdutit po i dridhet karrigia, poshtë qeveria. Prokuroria dhe strukturat e shtetit flenë gjumë, ndërsa qytetarët i plasin në burgje. Ata që vjedhin miliona euro janë të lirë, ndërsa populli në burg. Ata që kanë bërë marrëveshje me Veliajn, të kenë kujdes. Nuk ka asnjë punonjës që të dalë në këto shtëpia, po vidhen taksat tona, nga ne do të merreshin ato 18 milionë euro. Do të qëndrojmë deri në fund. Kemi kërkuar dialog që në ditën e parë, por Rama nuk pranoi, ndërsa me studentët kërkon dialog se është frikacak, për ti manipuluar. Rama po bën gati valixhet për të ikur” tha njëri nga qytetarët.
Ashtu si cdo natë, edhe sonte kryetari i PD, Lulzim Basha ka shkuar në mbështetje të banorëve të Unazës së Re.
Lajme të tjera
-
Protesta e Astirit/ Balliu pranë Gjykatës së Tiranës: Të bashkohen çështjet në një të vetme, qytetarët po arrestohen nga dëshmitë e efektivëve
21 Dhjetor 2020, 12:44 -
Shtyhet seanca për çështjen e 'Unazës së Re'/ Balliu: Unë s'rri t'i bie samarit, por gomarit dhe ai është Rama! Ka bërë koalicion me COVID-in, e ka vendin te '313'
4 Nëntor 2020, 12:00 -
Banorët e Unazës së Re ndjesë Klevis Balliut: Të kishin zili, Basha të të fusë në listë për deputet
8 Tetor 2020, 10:54 -
Veliaj sfidon Bashën: Pse s’më hedh në gjyq kur them se e le protestën në Astir për makinën 130 mijë euro?
4 Tetor 2020, 19:28 -
Ofendoi policët, shoqërohet në polici 'protagonisti' i protestës së 'Astirit': Nuk trembemi, bëhemi më të fortë
3 Tetor 2020, 20:55 -
Veliaj tjetër akuzë Bashës: Premtove harakiri te Unaza, pse e le protestën? A more një makinë 130 mijë euro nga një nga kontraktorët? (VIDEO)
2 Tetor 2020, 18:51 -
Veliaj akuza të rënda Bashës: Mbylle protestën e rrugës së Kombit dhe Astirit në këmbim të 4 vilave, u pasurove bashkë me kunatin
1 Tetor 2020, 22:03 -
Dosja/ Prokurori Petrit Hysa dy akuza Klevis Balliut, ja dëshmitarët kundër ish-deputetit të PD për bllokimin e rrugëve
18 Prill 2020, 14:37
-
Gjykata Penale e Tiranës kalon dosjen për gjykim/ Balliu dhe 12 banorë të Astirit merren të pandehur (VIDEO)
2 Mars 2020, 13:27 -
PD: Ja foto se si u shpëtua nga shembja shtëpia e prokurores në Astir, 'shpërbleu' Veliajn duke e 'falur' për pishat
19 Shkurt 2020, 11:15 -
Sinjalizime për aksion nga IKMT-ja, Balliu te 'Astiri': I siguroj banorët që PD-ja nuk tërhiqet
17 Shkurt 2020, 08:19
