Donald Trump lavdëron paradën pa armë bërthamore të Koresë së Veriut

Donald Trump lavdëron paradën pa armë bërthamore të Koresë së Veriut

Parada e Koresë së Veriut

Presidenti i Shteteve të Bashkuara, Donald Trump tha të dielën se ishte “një shprehje e rëndësishme dhe shumë pozitive” fakti që Koreja e Veriut organizoi paradën e fundit ushtarake pa përfshirjen e zakontë të armëve bërthamore.

Udhëheqësi amerikan, që po përpiqet të detyrojë udhëheqësin e Koresë së Veriut Kim Jong Un të braktisë arsenalin bërthamor të vendit të tij, tha në Twitter, “Faleminderit Kryetari Kim”, pas paradës së Phenianit që feston 70-vjetorin e themelimit të vendit, ku nuk u përfshinë raketat balistike ndërkontinentale.

“Ne të dy do t’u tregojmë të gjithëve se e kishin gabim!” tha Trump rreth negociatave të ngecura rreth çnuklearizimit të gadishullit Korean. “Nuk ka gjë më të mirë se sa dialogu i mirë mes dy njerëzve që pëlqejnë njëri-tjetrin! Më mirë nga koha para se të merrja detyrën”.

Parada ushtarake u mbajt në një kohë veçanërisht delikate për Korenë e Veriut. Veriu po përpiqet të lehtësojë tensionet me Shtetet e Bashkuara, pas samitit të qershorit midis Donald Trump dhe Kim Jong Un në Singapor.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet