Donald Trump, thirrje për mbylljen e hetimit mbi ndërhyrjen e Rusisë

Donald Trump, thirrje për mbylljen e hetimit mbi ndërhyrjen e Rusisë

Presidenti amerikan Donald Trump dhe prokurori Robert Mueller

Presidenti amerikan Donald Trump, ka vazhduar sulmet e tij përmes medieve sociale ndaj hetimit të Prokurorit të Posaçëm Robert Mueller mbi lidhjet e mundshme mes anëtarëve të fushatës së vitit 2016 të zotit Trump dhe qeverisë ruse. Presidenti dhe këshilltarët e tij duan që hetimi të përfundojë. Në maj, Presidenti Trump tha se dëshironte të fliste me hetuesit.

Askush nuk dëshiron të flasë me hetuesit më shumë se unë. Në fakt kundër këshillës së avokatëve të mi, sepse shumica e avokatëve nuk flasin për këto çështje. Do të doja të flisja sepse nuk kemi bërë asgjë të keqe. Nuk kishte bashkëpunim me rusët. Nuk kishte asnjë pengim drejtësie. 

Presidenti amerikan Donald Trump

Por javën e kaluar, avokati i Presidentit Trump tha se biseda me prokurorin Mueller do të ishte e rrezikshme.

Pse ai duhet të flasë nën betim? A mendoni se ne jemi budallenj? Ju dëshironi ta bëni këtë për ta vënë Presidentin në kurth për dëshmi të rreme. Ne nuk do ta lejojmë këtë.

Rudy Giuliani, avokat i Presidentit Trump

Në një numër postimesh në Twitter gjatë fundjavës, Presidenti Trump kritikoi hetimin dhe veçoi Prokurorin e Përgjithshëm Jeff Sessions, i cili është tërhequr nga kjo çështje, duke thënë se, "Prokurori ynë i Përgjithshëm është i frikësuar dhe nuk është i përfshirë në këtë betejë".Të dielën, këshilltarja e Presidentit, Kellyanne Conway zbuti kritikat ndaj Prokurorit Sessions.

Unë mendoj se Prokurori i Përgjithshëm po bën punë të madhe në zbatimin e ligjit, por vullnetarisht ai është tërhequr nga kjo çështje. Presidenti me të drejtë dëshiron që Amerika ta shohë përfundimin e hetimit të Prokurorit Mueller në një kohë të duhur. Deri më tani nuk është provuar asnjë bashkëpunim me Rusinë dhe ju e dini këtë. 

Kellyanne, Conway, Këshilltare e Presidentit Trump

Avokati i Presidentit Trump ka thënë se do të dëshironte që hetimi mbi ndërhyrjen e Rusisë të përfundonte deri në shtator, përpara zgjedhjeve të mesmandatit për kongres./VOA

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • USA Citizen: 13/08/2018 21:08

    No Mr. Donnie. Ju keni nje problem te madh me te verteten. Ju nuk keni kurajo te perballeni me Keshilltarin Special Muller sepse po thate te verteten(gje qe duket absolutisht e pamundur) do te shkoni kove pusi si puppet i Putin. Po genjyet ashtu sic beni perhere ne tweet-et tuaja te shpifura shancet jane te akuzoheni per "perjury". So comrade Donnie: "days of reckoning" are coming.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit