Duka: Analistë dhe ish-presidentë po bëhen trajnerë andej dhe këtej kufirit

Duka: Analistë dhe ish-presidentë po bëhen trajnerë andej dhe këtej kufirit

Armando Duka, kreu i FSHF

Pas humbjes së Shqipërisë ndaj Kosovës, në shifrat 0-3, ka reaguar edhe presidenti i Federatës Shqiptare të Futbollit, Armand Duka, që e cilëson një ditë të madhe.

REAGIMI ZYRTAR I DUKËS

Të nderuar dashamirës të Futbollit, shqiptar kudo ku ndodheni!

Mbrëmë ishte një ditë e madhe për shqiptarët kudo që ndodhen: realizuam një ëndërr të kahershme, miqësoren e zyrtarizuar mes dy ekipeve të një gjaku Kosovë-Shqipëri.

Qe një ditë e madhe për shqiptarët kudo që jetojnë, por nuk mund ta mohoj që ishte një ditë e errët për kombëtaren tonë. Por, ndodh në futboll, ka edhe ditë si kjo, megjithëse askush nuk i dëshiron.

Unë uroj dhe besoj shumë që skuadra, stafi dhe të gjithë ne,  do të dijmë që ta lexojmë këtë paraqitje të keqe sportive.

Kjo skuadër ka shumë e më shumë potencial dhe uroj që këtë ta tregojë menjëherë që në ndeshjen e radhës me Ukrainën.

Kosova luajti më mirë se ne, dhe për këtë unë i përgëzoj dhe nuk kam pse ta fsheh që jam i lumtur për suksesin e këtij ekipi, si të ishte Shqipëria. I uroj nga zemra shumë suksese ekipit të Kosovës në të ardhmen e tij.

Nga ana tjetër, e kam jo pak të vështirë të kuptoj, të besoj, e jo vetëm unë, por edhe shumë nga qytetarët e paindoktrinuar dhe pa paragjykime në të dyja anët e kufirit, se si një ndeshje miqësore vëllezërish, të bëhet shkak për anatemime.

Nuk e kuptoj pse ka kaq shumë negativitet dhe baltë nga disa të pa udhë, të cilët kërkojnë me çdo kusht të bëhen “protagonistë” të neveritshëm, duke menduar se po i hedhin benzinë një “zjarri” që nuk ekziston aspak.

Shqipëria dhe Kosova luajtën thjesht një ndeshje sportive. Kombëtarja e Shqipërisë ka qenë e hapur për futbollistët e të gjitha trevave shqiptare. Ne kemi patur nevojë për futbollistë cilësorë, dhe ata kanë pasur dëshirë që të shprehin cilësitë e tyre, dhe njëherësh të japin kontributet e veta në të vetmin ekip shqiptar.

Të gjithë bashkë kemi bërë krenarë çdo shqiptar në çdo cep të globit , me vepra e jo me lehje. Ne kemi lobuar me pasion dhe me fanatizëm që Kosova të ketë këtë Federatë që ka edhe sot.

Ndaj, një miqësore midis vëllezërish, me çfarëdo rezultati, duhet të na gëzojë të gjithëve më shumë. Kjo është e gjitha, ishte thjesht një miqësore: autokritikë Shqipëria dhe urime Kosova.

Për të tjerat e kam të pamundur të futem në debate me analistë politikë, apo edhe ish-presidentë, që brenda 24 orësh gdhihen trajnerë futbolli, këndej dhe andej kufirit.

Gëzuar shqiptarë kudo që ndodheni!

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kamaleoni: 30/05/2018 22:22

    Ah ce bone 'cosa nostra' ate FSHF...sa pa fat qe paskemi qene ne cdo aspekt...meqe sprano kritika se hidhet direkt 'cosa nostra' meme UEFA po nderhyni ne punet e futbollit, po te urojme jo per humbjen po per trajnerin vizionar qe na ka dhuruar vetem emocione pozitive me nje loje te mrekullueshme si ajo me Kosoven...

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mero Baze: Përpjekjet për të justifikuar 'marrëveshjen' që shuajti revolucionin

Mero Baze: Përpjekjet për të justifikuar 'marrëveshjen' që shuajti revolucionin