POP 5

Lajmet më të lexuara të 5 minutave të fundit

Ekonomi

Eksportet u rritën me 18.3%, ndihmon energjia – deficiti bie me 9 mld lekë për gjashtëmujorin

Kontributin kryesor në rritjen e eksporteve e ka dhënë grupi “Minerale, lëndë djegëse, energji elektrike”, i cili është tashmë grupi i dytë më i rëndësishëm pas atij të tekstileve dhe këpucëve.
Eksportet u rritën me 18.3%, ndihmon energjia – deficiti bie me 9 mld lekë për gjashtëmujorin

Porti i Durrësit

Eksportet e mallrave shqiptare në gjashtë muajt e parë të këtij viti arritën në 158 miliardë lekë, duke u rritur me 18.3% krahasuar me një vit më parë. Në rritje janë edhe importet, por vetëm me 4.7%, çka ka kontribuar në uljen e deficitit tregtar. Deficiti për gjashtëmujorin është 151 miliardë lekë, krahasuar me 162 miliardë lekë për periudhën Janar-Qershor 2017.

Kontributin kryesor në rritjen e eksporteve e ka dhënë grupi “Minerale, lëndë djegëse, energji elektrike”, i cili është tashmë grupi i dytë më i rëndësishëm pas atij të tekstileve dhe këpucëve. Për gjashtëmujorin, eksportet në këtë grup arritën në 30.7 miliardë lekë, një rritje me 34.4%. Edhe eksportet e veshjeve, tekstileve dhe këpucëve regjistruan një rritje 9.3%.

E veçanta për muajin qershor 2018 është se importet janë në rënie për herë të parë këtë vit me 5%, ndikuar veçanërisht nga grupet “Ushqime, pije, duhan” dhe “Makineri, pajisje, pjesë këmbimi”.

Sa i takon gjashtëmujorit, pikërisht dy grupet e mësipërme zënë edhe vlerat më të mëdha të importeve dhe paraqiten në rritje. Rënie vjetore në importe regjistron vetëm grupi “Materiale ndërtimi dhe metale”. Duket se prodhimi i brendshëm ka arritur të plotësojë kërkesat e tregut vendas dhe të lërë hapësirë për një rritje eksportesh në materiale ndërtimi dhe metale me 28.6%.

Bashkimi Europian vijon të mbetet partneri kryesor tregtar, i cili zë 77.2% të vlerës së eksporteve dhe 62.6% të vlerës së importeve. Ndërkohë, vihet re edhe një rritje e ndjeshme e shkëmbimeve tregtare me vendet fqinje si Kosova dhe Maqedonia./SCAN

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

3 orë debate, PS braktis Komisionin Hetimor të Shëndetësisë! Vokshi: Po pengojnë hetimin

3 orë debate, PS braktis Komisionin Hetimor të Shëndetësisë! Vokshi: Po pengojnë hetimin

25 Prill, 14:08