Elseid Hysaj: Juve ka Ronaldon por ne kemi Ançelotin, besojmë tek titulli

Kalimi i Cristiano Ronaldos në Itali te skuadra e Juventusit, padyshim që mbetet një ndër transferimet më të bujshme të viteve të fundit dhe prania e portugezit në Serinë A, është një ndër reklamat më të mira për futbollin italian.

Këtë fakt e kanë pranuar shumë figura nga bota e sportit si në Itali, ashtu edhe jashtë. Një ndër të fundit që ka komentuar kalimin e CR7-ës është mbrojtësi i Kombëtares shqiptare, Elseid Hysaj.

Në një prononcim për mediat italiane, Hysaj e ka vlerësuar maksimalisht figurën e Ronaldos dhe faktin që një lojtar si ai do të luajë në futbollin italian, por kjo gjë nuk e ka penguar që të tregojë edhe njëherë objektivat që klubi i Napolit ka.

LEXO EDHE:
‘Parajsa me ty’, Georgina Rodriguez më e dashuruar se kurrë me Cristianon

“Do të jetë një kampionat shumë i bukur, sidomos me ardhjen e Cristiano Ronaldos te Juventusi dhe Ançelotit te Napoli. Edhe të tjerët po përgatiten shumë mirë, si përshembull Interi.

Ne nuk na pengon askush dhe po përgatitemi që të japim maksimumin si në kampionat, ashtu edhe në Ligën e Kampionëve dhe në Kupën e Italisë.

Nuk duhet lënë asgjë prapa dhe trajneri Ançeloti, kërkon nga ne mbrojtësit që të bëjmë gjëra të veçanta në fushë”, - tha mes të tjerash Hysaj, i cili ende nuk dihet nëse do të qëndrojë të Napoli apo do të transferohet te Chelsea, aty ku ka firmosur ish-trajneri i tij.

TAG:
• elseid hysaj
• cristiano ronaldo

Sondazhi i ditës:

A ka politika frikë nga SPAK-u?

• Po

  68.7%

• Jo

  26.6%

• Nuk e di

  4.7%

Vota total: 2816

• Sondazhi i ditës:

  A ka politika frikë nga SPAK-u?

  Po Jo Nuk e di