Emergjencë ambientale/ Qytetarët: Pylli i Qerretit varrezë plehrash dhe kantier ndërtimi (Fotot ekskluzive)

Kavajë- Qytetarët kanë denoncuar në Report Tv situatën skandaloze në pyllin e Qerretit në Bashkinë Kavajë, i kthyer në një vend depozitimi mbetjesh. 

Përmes fotove të dërguara, pushuesit dhe banorët e zonës shprehin shqetësimin për situatën e krijuar nga shkarkimi i inerteve dhe mbeturinave të ndërtimit nga kompania që është duke punuar për vendosjen e linjës së tensionit elektrik.

Siç edhe shihet nga kjo foto një pjesë e pyllit është shndërruar në një varrezë kazanësh plehrash, për firmën e cila ka fituat tenderin për pastrimin e qytetit të Kavajës.

LEXO EDHE:
O’Brien nesër në Beograd për takime me krerët e Serbisë

Situatën në pyllin e Qerretit qytetarët e përshkruajnë si një katastrofë ambientale me një rrezik të madh për tu kthyer në vatër zjarri. Po ashtu mësohet se kompania KRONOS e cila është duke u marrë më rrjetin elektrik ka ndërtuar kantierin e saj brenda hapësirës së pyllit.

Në kantierin e saj kompania ka depozituar materiale elektrike lehtësisht të ndezshme në pyll pa asnjë masë sigurie. Banorët e kësaj zone thonë se kjo kompani nuk mjaftohet me kthimin e pyllit në kantier ndërtimi, por hedh edhe inerte ndërtimi në pyll. 

I pyetur në lidhje me këtë shqetësim kreu bashkisë Kavajë, Isa Sakja tha se kazanët e plehrave të lënë në pyll janë pronë e ish-komunës Golem dhe do të lëvizen me shpejtësi.

Ndërsa për çështjen e mbetjeve, zoti Sakja pohoi se ato merren dy herë në ditë por këto ditë ka patur një fluks të madh pushuesit dhe volumi i tyre është rritur.

Sipas kryebashkiakut të Kavajës banorët e kësaj zone janë të kënaqur me shërbimet që u ofrohen por ai ngre shqetësimin kur thotë se ata kanë 10 vite që nuk paguajnë asnjë taksë.

TAG:
• pylli i Qerretit i mbuluar nga plehrat
• kompania kronas

Gjendesh pranë vendngjarjes?

Na ndihmo për ta bëre më të plotë këtë lajm në Shqiptarja.com dhe Report TV, duke na dërguar dëshminë tënde dhe informacionet e tua.

• Dërgo një e-mail në [email protected]
• Na telefono dhe fol me gazetarët tanë në +355696007772
• Dergo një mesazh, nje foto apo një video me Whatsapp në +355697004331
• Ose ploteso formularin e mëposhtëm:

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.9%

• Jo

  72.4%

• Nuk e di

  8.7%

Vota total: 2212

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di