Emërimet e magjistratëve/ Balla fton opozitën t’i votojë në seancën e radhës: Detyrim i çdo force politike

Numri dy i Partisë Socialiste, Taulant Balla i ka bërë thirrje opozitës që të votojë gjatë kësaj jave ligjin që mundëson pranimet e reja në Shkollën e Magjistraturës, si dhe të emërohen 16 magjistratët e diplomuar. Ligji kërkon 84 vota që PS nuk i ka e vetme, ndaj Balla bën thirrje për konsensus.

Bëhet fjalë për një detyrim të qartë të çdo force politike të përgjegjshme, e cila sikurse bashkë kemi miratuar paketën e reformës në drejtësi dy vite më parë, kështu na duhet edhe tani të rivendosim këtë afat me qëllim që djem e vajza të shkëlqyer që mbarojnë studimet në drejtësi dhe që duan që karrierën ta vijojnë duke u përfshirë në sistemin e ri të drejtësisë  përmes kalimit të shkollës së magjistraturës.

Taulant Balla

Balla vlerësoi procesin e vettingut në radhët e gjyqtarëve dhe prokurorëve, ku evidentoi rastet e atyre që janë larguar nga sistemi.

LEXO EDHE:
Balla: Shqipëria do të mirëpresë në qershor konferencën rajonale europiane të Interpol! Rregulla të reja për përdorimin e fishekzjarrëve

Çdo ditë shohim përmes medieve sesi gjyqtarë apo prokurorë humbin të drejtën për të vazhduar për të qenë pjesë e sistemit. Ky është një hap i rëndësishëm, askush prej nesh nuk do ta kishte imagjinuar që paska qenë kaq e thellë dhe kaq e rëndë situata e korrupsionit në sistemin e drejtësisë. 

Taulant Balla

Opozita është shprehur e vendosur për të mos e votuar ligjin për magjistrat e rinj duke hedhur poshtë çdo aludim se ka pasur bisedime mes PS dhe LSI për të siguruar votat e nevojshme. Në seancën e kaluar PD dhe LSI nuk morën pjesë.

TAG:
• PD
• taulant balla
• Emërimet e magjistratëve

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.4%

• Të gabuar

  83.8%

• Nuk e di

  4.7%

Vota total: 3308

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di