Europa League/ 7 skuadra kalojnë në 1/16, barazim i artë për Milanin

Europa League/ 7 skuadra kalojnë në 1/16, barazim i artë për Milanin

Milani rrëmben një pikë ndaj Real Betis në stadiumin “Benito Villamarin” dhe mban me 7 pikë vendin e dytë në grupin F të Europa League. Spanjollët kaluan të parët në avantazh me golin e argjentinasit Lo Celso që shënon mes mbrojtësve kuqezi në minutën e 12-të.

Ndërsa reagimi i kuqezinjve erdhi në fraksionin e dytë me golin e Suso kur kishte kaluar diçka më shumë se një orë lojë. Pikë e artë për kuqezinjtë ndërsa Olympiacos mposhti 5-1 Dudelange. Ndërkaq pas ndeshjeve të katërta në grupet e Europa League kanë kaluar më tej 7 skuadra dhe ato janë Chelsea,Arsenal, Lazio, Frankfurt ,Dinamo Zagreb ,Leverkusen dhe Zyrih. Me golin e Giroud, Chelsea fitoi 1-0 ndaj Bate Borisov dhe kryeson me pikë të plota grupin L duke kaluar më tej.

Arsenali ka barazuar pa gola në Londër ndaj Sportingut të Lisbonës por kaq ka mjaftuar që të kalojë në fazën e 1/16 të Europa League. Topçinjtë e kryesojnë grupin E me 10 pikë të ndjekur nga Sporting me 7 të tilla.

Në grupin H Lazios dhe Eintrahtit të Frankfurtit u kanë mjaftuar 4 ndeshjet e para për të siguruar biletën për më tej. Lazio ka mposhtur në “Olimpico” 2-1 Marsejën me golat e Parolo dhe Correa-s dhe me 9 pikë kalon më tej. Gjermanët e Frankfurt fituan në Nikozia 3-2 ndaj Apollon dhe kryesojnë grupin me pikë të plota duke siguruar kualifikimin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Greqi/ Zëvendëskryeministri Bratakos dhe ministri i Shtetit Papastavrou largohen nga qeveria

Greqi/ Zëvendëskryeministri Bratakos dhe ministri i Shtetit Papastavrou largohen nga qeveria