Europa League/ Milani fiton me përmbysje, Arsenal mposht skuadrën e Agollit

Europa League/ Milani fiton me përmbysje, Arsenal mposht skuadrën e Agollit

Festimi i golit nga futbollistët e Milan

Olimpiakosi ka rezultuar një kundërshtarë i vështirë për Milanin, por gjithsesi “djalli” ka marrë fitoren e dytë në fazën e grupeve të “Europa League” pasi ka mposhtur 3-1 grekët në “San Siro”.

Sfida për italianët nisi në malore, pasi miqtë surprizuan në minutën e 14, duke kaluar në avantazh me Guerreron. Deri në fundin e pjesës së parë skuadra e Gatusso-s tentoi disa herë radhazi për të gjetur baraspeshën, por pa sukses.

Këmbënguljet do shpërbleheshin në fraksionin e dytë të lojës, ekzaktësisht në minutën e 70 me Kutronen që realizoi me kokë. Nuk do të vononte përmbysja, pasi Higuain pak momente më pas nuk fali nga brenda zonës. 

Përballja do vulosej në minutën e 79 me Kutronen që realizoi golin e dytë personal dhe të tretin për ekipin. Me këtë rezultat Milani mban vendin e parë me 6 pikë, 2 më shumë se Betis i vendit të dytë që mposhti 3-0 Dudelanxhe në sfidën tjetër të këtij grupi.

Ndërkohë në Azerbajxhan skuadra e Ansi Agollit, Karabag, është mundur me shifrat 0-3 nga Arsenal. “Topçinjtë” nuk i vendosën për asnjë çast në diskutim tre pikët, pasi që në minutën e katërt kaluan në avantazh me Sokratis. Më pas golat e Smith dhe Guendouzi shërbyen për të përmirësuar golavarazhin. Arsenal pas dy takimesh renditet i pari në grupin E me 6 pikë, po aq sa Sportingu që fitoi në ekstrem të kohës së rregullt kundër Vorsklas.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet