Të gatuajmë me Zonjën Vjollca / Fileto Peshku Kapreze dhe Makarona me kungull, gjizë e portokall

Përbërësit:

400 gr fileto peshku
10 domate të thata
200 gr djath mozzarella
2 lugë kafe pesto
30 gr stika pishe
Lëngu i gjyësm kokrre limoni
1 – 2 domate mesatare
1 lugë gjelle vaj ulliri
Kripë dhe piper i zi  


Përgatitja 

Fileton e peshkut të larë dhe të tharë mirë e marinojmë me pak fare kripë e piper dhe lëngun e gjysmës së limonit. E mbulojmë dhe e lëmë të marinohet për 20 minuta në frigorifer.
Pasi të mbarojë kjo kohë, e thajmë peshkun me letër kuzhine. Lyejmë shumë pak me vaj ulliri tavën që do të gatuajmë peshkun dhe vendosim në të filetot e peshkut.
Domatet e thata i presim në shirita dhe i shpërndajmë në tavë. 

Presim hollë djathin mozzarella dhe e vendosim mbi filetot e peshkut. Mbi mozzarelë vendosim fetat e holla me domate të freskëta, të cilat i spërkasim me fare fare  pak kripë e vaj ulliri. E vendosim tavën në furrë për 10 minuta në temperaturë 200 gradë Celsius.

Theksojmë se duhet të hedhim shumë pak kripë , për arsye se pas 10 minutave që do të vendosim tavën në furrën e parangrohur në temperaturën 200 gradë Celsius, do të shtojmë pak pesto e cila është vetë e kripur. E fusim përsëri në furrë për 8 – 10 minuta dhe më pas e servirim

Fileto peshku kapreze 

Receta e dytë : Makarona me kungull, gjizë dhe portokall

Përbërësit

320 gr makarona (pene)

250 gr gjizë pa kripë (ose rikota)

2 portokaj mesatarë

3 kunguj të njomë

4 lugë gjelle vaj ulliri

Kripë dhe piper i bardhë

Përgatitja

Vendosim një tenxhere me ujë të bollshëm , për ta valuar. Shtojmë pak kripë dhe ziejmë makaronat sipas minutazhit të përcaktuar në përdorim.

Ndërkohë në një tas vendosim gjizën.

Lajmë portokallin dhe grijmë ¼ e lëkurës së tij. E përziejmë lëkurën e grirë me gjizën. Shtrydhim një portokall dhe lëngun e shtojmë tek gjizasë bashku me 6 lugë gjelle nga uji i zierjes së makaronave dhe 4 lugë gjelle vaj ulliri, kripë dhe piper të bardhë. Të gjithë përbërësit që shtuam në gjizë , i trazojmë deri sa gjiza të marrë një trajtë kremoze.

Në tenxheren ku po ziejmë makaronat , në 3 minutat e fundit shtojmë kungujt e prerë në feta, duke i lënë të ziejnë për 3 minuta së bashku me makaronat.

I kullojmë makaronat me kungujt dhe i vendosim në një tas të madh ku i shtojmë gjizën kremoze . I trazojmë mirë dhe i servirim duke dekoruar pjatën me disa feta portokalli nga portokalli i dytë.

.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

VIDEO/Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis